Hrikaleg hætta sögð steðja að Skagafirði
Landeigendur segja vaxandi hættu á að Héraðsvötn brjóti sér leið í Húseyjarkvísl með hrikalegum afleiðingum fyrir beitar- og ræktarlönd. Vatn myndi leggjast að flugvellinum og neðri hluta Sauðárkróks. Brýnt sé að sveitarfélagið bregðist við.
Á vef Vísis.is er ógnin sögð stafa af Héraðsvötnum vegna breytinga sem orðið hafa á rennsli fljótsins.
Í bréfi til byggðarráðs Skagafjarðar gera landeigendur við Húseyjarkvísl og Héraðsvötn norðan Húseyjarkvíslar kröfu um tafarlausar aðgerðir.
„Um árabil hefur innrennsli úr Héraðsvötnum til vesturs um svokallaða Affalla og inn í Húseyjarkvísl farið vaxandi. Ef fram fer sem horfir og ekki verður brugðist við með varnaraðgerðum er vaxandi hætta á að Héraðsvötn brjóti sér leið til vesturs í Húseyjarkvísl og áfram og í hinn svonefnda Stóra-Skurð sem liggur austan Langholts, frá Holtstjörn að sunnan og norður til Miklavatns,“ útskýra landeigendurnir.
Vísað er í mikið flóð sem varð í desember 2006 sem vísbendingu um það sem kann að verða.
„Afleiðingarnar yrðu hrikalegar en ætla má að allt undirlendi frá Geldingaholti og út til Sauðárkróks færi undir vatn og stór ræktar- og beitarlönd bænda yrðu ónýtanleg með öllu. Vatn myndi leggjast að flugvellinum, hesthúsahverfinu og neðsta hluta Sauðárkróks,“ vara landeigendurnir við.
Rifjað er upp að árið 2003 lögðu fulltrúar Vegagerðarinnar til varnargarð úr grjóti á mótum Affalla og Héraðsvatna í landi Valla en að ekki hafa orðið af því vegna andstöðu viðkomandi jarðeiganda. Eftir skoðun í maí 2005 hafi héraðsfulltrúi Landgræðslunnar lagt til varnargarð milli Löngumýrarsporðs og Geldingaholtseyjar.
„Tíminn vinnur ekki með okkur í þessu máli og skjótra viðbragða er því þörf,“ segja landeigendurnir.
Byggðarráð Skagafjarðar fól Ástu Pálmadóttur sveitarstjóra að kanna málið. Ásta kveðst ekki hafa svör um málið að sinni.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
