Hryllilegt ástand
Ástand fótboltavallarins á Sauðárkróki er vægast samt slæmt og ekki hefur verið hægt að leika þar heimaleiki í meistaraflokkum karla og kvenna það sem af er sumri. Ekki er útlit fyrir að bót verði ráðin á því á næstunni.
Blaðamaður Feykis smellti mynd af vellinum í morgunsárið og hafði samband við Ómar Braga Stefánsson, formann knattspyrnudeildar Tindastóls. Ómar segir ástandið vægast sagt hryllilegt og síst betra en á sama tíma og í fyrra, en þá var völlurinn ónothæfur langt fram eftir sumri.
Í dag aka strákarnir í meistaraflokki karla daglega 70 kílómetra til að æfa á vellinum á Hofsósi, með tilheyrandi kostnaði og tíma sem í það fer. Stelpurnar hafa kosið að æfa uppi á Nöfum, á „skelfilegu túni sem er beinlínis hættulegt,“ að sögn Ómars Braga. Þá eru ótaldar æfingar yngri flokka, sem færast upp á Nafir með tilheyrandi óþægindum.
Næsti heimaleikur meistaraflokks karla er 5. júní og hefur verið óskað eftir því við KA að leikurinn verði á Akureyri en Tindastóll fái í staðinn heimaleik síðar í sumar. Strákarnir hafa átt einn heimaleik það sem af er sumri og var hann á Akureyri. Kröfurnar vegna leikja stelpnanna eru minni og því hafa heimaleikir þeirra getað farið fram á Hofsósi.
Í vetur voru talsverðar umræður um yfirbyggðan gervigrasvöll en Ómar Bragi segist ekki hafa fengið nein skilaboð frá sveitarfélaginu um að þetta standi til bóta. „,Ég sé ekkert í spilunum um að heimaleikirnir, sem áformaðir eru í byrjun júní, verði leiknir hér, það verður líka að passa upp á völlinn þegar hann fer að grænka, það þýðir ekkert að vaða inn á hann strax. Þetta er ekki hægt lengur,“ sagði Ómar Bragi að lokum.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
