Hundgá og „high tea“ í Glaumbæ
Í tilefni af afmæli enska aðalsmannsins Mark Watson (1906–1979) stóð Byggðasafn Skagfirðinga, venju samkvæmt, fyrir dagskrá í Glaumbæ þann 18. júlí sl. Watson var mikill Íslandsvinur og eigum við honum margt að þakka, Þar með talið rausnarlega peningagjöf til viðgerða á gamla torfbænum í Glaumbæ árið 1938, sem átti sinn þátt í því að bærinn hefur varðveist. Watson hefur jafnframt verið titlaður bjargvættur íslenska fjárhundsins og er afmælisdagur hans „Dagur íslenska fjárhundsins“.
Eðli málsins samkvæmt var mikið fjör með tilheyrandi hundgá þegar hundana bar að garði. Aðeins var þefað hvert að öðru og sumir hundar voru meiri félagar en aðrir, eins og gengur, en allir voru glaðir að fá hundanammi. Gætt var að því að allir fengju eitthvað fyrir sinn snúð; úrval af hundanammi og nagbeinum var fyrir fjórfætlingana, en boðið var upp á „high tea“ að hætti breska aðalsins í Áshúsi, en slíkar veitingar voru ómissandi að mati Mark Watson.
Heiðursgestur dagsins var Patricia Putman frá Bandaríkjunum. Hún hefur tileinkað líf sitt hundarækt og þjálfun, og hefur íslenski fjárhundurinn þar skipað stærstan sess. Pat vann með Mark Watson á 5. áratugnum að bók hans The Iceland Dog 874–1956. Hún átti auk þess stóran þátt í vali og innflutningi á íslenskum hundum til Bandaríkjanna.
Starfsfólk Byggðasafns Skagfirðinga þakkar öllum sem komu í heimsókn í tilefni af afmæli Mark Watson, og sérstakar þakkir fá Evelyn Ýr Kuhne hjá Sögusetri íslenska fjárhundsins fyrir samstarfið og til Patricia Putman fyrir að koma og deila visku sinni.
/Fréttatilkynning
Fleiri fréttir
-
Vatnsnes Trail Run Utanvegahlaup
feykir.is Íþróttir, Vestur-Húnavatnssýsla 22.07.2025 kl. 10.40Einn af fjölmörgum áhugaverðum viðburðum á Eldi í Húnaþingi er „Vatnsnes Trail Run” sem er utanvegahlaup í Húnaþingi vestra. Hlaupið fer fram á föstudaginn 25.7. Boðið er upp á þrjár vegalengdir: 20+ km, 10km og fjölskylduhlaup. Í 10 km og 20+ km hlaupunum verður hlaupið frá Félagsheimilinu á Hvammstanga fallega leið upp í Kirkjuhvamm og svo halda leiðirnar áfram upp fjallið. í 1,5 km fjölskylduhlaupinu er einnig hlaupið frá Félagsheimilinu á Hvammstanga. Skemmtilegur viðburður fyrir náttúruunnendur og hlaupara á öllum getustigum.Meira -
Frábært framtak á folf-vellinum á Hvammstanga
feykir.is Vestur-Húnavatnssýsla, Mannlíf, Lokað efni 22.07.2025 kl. 10.16Sagt er frá því á vef Húnaþings vestra að nú á dögunum tóku nokkrir vaskir menn sig saman og smíðuðu palla á folf-völlinn á Hvammstanga. „Það er ánægjulegt að sjá svona frumkvæði hjá þessum óeigingjörnu sjálfboðaliðum. Sveitarfélagið færir öllum hlutaðeigandi sínar bestu þakkir,“ segir í fréttinni.Meira -
Ingibergur bar sigur úr býtum á Opna Húnavökumótinu
feykir.is Austur-Húnavatnssýsla, Íþróttir, Lokað efni 22.07.2025 kl. 08.38Opna Húnavökumót Golfklúbbsins Óss á Blönduósi í samstarfi við Borealis fór fram laugardaginn 19. júlí í mildu veðri á Vatnahverfisvelli. Alls voru 27 keppendur skráðir til leiks og var ræst út stundvíslega kl. 10 af formanni klúbbsins, Eyþóri Franzsyni Wecher, og mótastjóra, Valgeiri M. Valgeirssyni. Leiknar voru 18 holur í punktakeppni með forgjöf í einum flokki.Meira -
Framkvæmdir við Vatnsdalsveg dragast saman
feykir.is Austur-Húnavatnssýsla, Lokað efni 21.07.2025 kl. 12.22Vegagerðin hefur ákveðið breytingar á framkvæmdum við Vatnsdalsveg. Upphaflega var áætlað að endurbyggja samtals 14,9 kílómetra kafla frá Hringvegi og suður að afleggjara að Undirfellsrétt en síðar var ákveðið að stytta framkvæmdakaflann niður í 13 kílómetra. Nú áformar Vegagerðin að kaflinn verði níu kílómetrar og er ástæðan sögð verða boð um niðurskurð hjá stofnuninni. Byggðarráð Húnabyggðar mótmælir þessari ákvörðun harðlega og krefst svara frá Vegagerðinni og ráðherra samgöngumála.Meira
