HVE færðar gjafir vegna 100 ára afmælis
Á laugardaginn var hefði Hjörtur Eiríksson á Hvammstanga orðið 100 ára og af því tilefni voru Heilbrigðisstofnun Vesturlands á Hvammstanga færðar gjafir til minningar um hann og konu hans, Ingibjörgu Levý.
Afkomendur og tengdabörn þeirra hjóna fjölmenntu á Heilbrigðisstofnunina og afhentu fimm sjónvörp, ásamt veggfestingum, og fimm útvörp með geislaspilara. Vistfólk og hluti starfsfólks stofnunarinnar var viðstatt afhendinguna. Það var Unnur Valborg Hilmarsdóttir, sonardóttir þeirra hjóna, sem ávarpaði gestina og afhenti gjafirnar.
Guðmundur Haukur Sigurðsson, svæðisstjóri, veitti gjöfunum viðtöku fyrir hönd stofnunarinnar og þakkaði þann hlýhug sem gjöfunum fylgdi og taldi þær koma að góðum notum fyrir þá sem búa og starfa á Heilbrigðisstofnuninni. Að lokum gæddu viðstaddir sér á veislukaffi í boði aðstandenda Hjartar og Ingibjargar.
Hjörtur var fæddur 20. september 1914 á Efri-Svertingsstöðum í Miðfirði. Foreldrar hans voru Guðrún Gísladóttir frá Kvíslaseli í Bæjarhreppi og Eiríkur Hjartarson sem fæddur var á Holtastaðareit í A-Hún. Ingibjörg Eggertsdóttir Levý var fædd 2. janúar 1906 á Ósum á Vatnsnesi. Foreldrar hennar voru Eggert Levý og kona hans Ögn Guðmannsdóttir.
Hjörtur og Ingibjörg bjuggu lengst af á Brekkugötu 8 á Hvammstanga, í húsi sem þau hjón byggðu og nefndu Valhöll. Hjörtur og Ingibjörg eignuðust sjö börn, son sem dó í frumbernsku, Hrein, Perlu Ögn, Eggert Heimi, Eirík Hauk, Skúla Hún og Hilmar. Hjörtur rak í áratugi vélaverkstæði á Hvammstanga ásamt Sigurði bróður sínum og síðar Hilmari syni sínum undir nafninu Vélaverkstæði Hjartar Eiríkssonar. Frá þessu er greint á vefnum Norðanátt.is.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
