Innlyksa á Húsabakka í Skagafirði
Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka í Skagafirði hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.
Þorgrímur Ómar á Ytri-Húsabakka sendi okkur nokkrar myndir en myndband af stöðunni er hægt að sjá á Facebook-síðunni Vatnaveröld smábátasafn en það sýnir stöðuna í morgun í kringum safnið og bæina tvo sem staddir eru við árbakka Héraðsvatna. Eins og sjá má lítur þetta ekki vel út og vonandi versnar þetta ekki hjá þeim.
Fyrir áhugasama þá hefur Þorgrímur Ómar komið upp Smábátasafni á Húsabakka sem ætlunin er að opna fyrir gesti um miðjan júní en á safninu er til sýnis mismunandi byggingarlag báta sem hafa verið smíðaðir víðsvegar um landið og er stefnt að því að geta sýnt hvernig mismunandi sjólag og straumar einkenna bátasmíðar frá mismunandi landshlutum. Safnið er þó byggt á bátasmíði Þorgríms Hermannssonar (1906-1998), bátasmiðs frá Hofsósi og afa Þorgríms Ómars, en eftir hann lágu um eitt hundrað bátar en líklega eru ekki nema um tuttugu bátar eftir í dag, fimm bátar eru þegar komnir á safnið sem voru smíðaðir af Þorgrími. Í dag hefur safnið að geyma 28 báta í mismunandi ástandi, allt frá því að vera nothæfir til sjósókna og til þess að vera eingöngu til sýninga á byggingalagi. Auk bátanna er einnig komið stýrishús af Maríu Júlíu, fyrsta varðskipi Vestfirðinga, sem ætlunin er að nota til að bjóða upp á kaffisopa fyrir safngesti. Einnig eru ýmisskonar veiðarfæri á safnsvæðinu, eins og togspil, skelfisks- og ígulkersplógar, hlutir til línuveiða eins og stampar, stólar og línuefni eins og lórulína, hákarlalína og lúðulína. Ein að minnsta kosti þrjátíu ára gömul flotbryggja er á safnsvæðinu auk tveggja heimasmíðaðra bryggja til að nota sem sviðsmynd fyrir "hafnarsvæðið".
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
