Íþróttahátíð í Skagafirði - Allir með!
UMSS og Svæðisstöðvar íþróttahéraða standa fyrir íþróttahátíð í Skagafirði í matsal Árskóla og íþróttahúsi Sauðárkróks þann 11. september og verður dagskráin tvíþætt. Verkefnið „Allir með“ er samstarfsverkefni ÍSÍ, UMFÍ og ÍF (Íþróttasamband fatlaðra).
Kynning á íþróttastarfi verður í matsal Árskóla kl. 17:00 -18:30. Þessi hluti er opin öllum sem hafa áhuga á íþróttum og að stunda þær. Fólk er boðið velkomið í matsal Árskóla þar sem að íþróttafélög verða með kynningu á starfsemi sinni. Hægt er að fá aðstoð við skráningu á Abler.
Íþróttahátíð - Allir með kl. 17:00 – 18:30 í íþróttahúsinu á Sauðárkróki. Þessi hluti er hugsaður fyrir börn og ungmenni með fatlanir og þau sem finna sig ekki í hefðbundu íþróttastarfi. Þessi hluti verður þannig að í íþróttahúsinu verður kynning á t.d. júdó, badminton, frjálsum, fótbolta, körfubolta og boccia. Það er von okkar að sem flest börn og ungmenni með fatlanir og fjölskyldur þeirra sjái sér fært um að mæta og kynna sér það góða starf sem er í boði. Við hvetjum börn og ungmenni til að koma í íþróttafatnaði og íþróttaskóm og taka virkan þátt.
Inngangur
Hægt er að ganga inn í A - álmu í Árskóla og inn um aðalinngang íþróttahúss.
Hér má finna allt um viðburðinn endilega hjálpið okkur að deila https://fb.me/e/5TsnvDh6z
Allir með verkefnið
Verkefnið „Allir með“ er samstarfsverkefni ÍSÍ, UMFÍ og ÍF (Íþróttasamband fatlaðra). Verkefnið er þriggja ára verkefni sem er liður í að ná markmiðum 30. gr. Samnings
Sameinuðu þjóðanna um réttindi fatlaðs fólks. Þar eru skýr ákvæði um viðeigandi aðlögun allra í íslensku samfélagi.
Verkefnið er styrkt af Félags- og vinnumálaráðuneytinu, Heilbrigðisráðuneytinu og Mennta- og barnamálaráðuneytinu.
Íþróttahreyfingin sér um framkvæmd verkefnisins sem verður unnið á tímabilinu 2023 – 2025.
Markmið:
Að fjölga tækifærum fatlaðra til íþróttaiðkunar í samstarfi við íþrótthreyfinguna
Að öll börn og ungmenni eigi möguleika á því að taka þátt í íþróttum í sínu nær umhverfi í samræmi við óskir sínar og þarfir – með viðeigandi aðlögun.
Að allir skulu eiga kost á að öðlast reynslu af þátttöku í íþróttum og verða sér úti um leikni til að þróast í öryggi og góðum félagsskap
Verkefnið fór af stað í byrjun árs 2023 og var Valdimar Gunnarsson ráðinn verkefnisstjóri og hefur hann aðsetur á Skrifstofu ÍF
Fleiri fréttir
-
Hjörvar búinn að taka skóflustungu að nýju húsnæði veitu- og framkvæmdasviðs
feykir.is Skagafjörður, Lokað efni 10.09.2025 kl. 10.42Fyrsta skóflustunga að nýju aðstöðuhúsi fyrir veitu- og framkvæmdasvið Skagafjarðar var tekin nú síðastlðinn mánudag. Það var Hjörvar Halldórsson forstöðumaður veitu- og framkvæmdasviðs sem tók fyrstu skóflustunguna. Um viðbyggingu er að ræða við hús veitnanna að Borgarteig 15 á Sauðárkróki sem fyrst var kallað áhaldahús.Meira -
Héraðsvötnin eru hjartsláttur fjarðarins | Rakel Hinriksdóttir skrifar
feykir.is Skagafjörður, Aðsendar greinar 10.09.2025 kl. 09.47Skagafjörður er fallegur. Þar er hátt til lofts og vítt til veggja. Á milli fjalls og fjöru er gróið og lifandi landslag með auðugum jarðargæðum. Fjarðarbotninn er breiður og ávalur, mótaður í árþúsundir af stöðugum framburði jökulfljótanna sem setja sterkan svip á láglendið.Meira -
Sigur í fyrsta æfingaleik haustsins
feykir.is Skagafjörður, Íþróttir, Lokað efni 10.09.2025 kl. 09.37Fyrsti æfingaleikur Tindastólsmanna í körfunni fór fram sl. mánudagkvöld þegar Arnar þjálfari og lærisveinar hans héldu í háaustur og hittu á endastöð fyrir lið Hattar á Egilsstöðum. Það fór svo að sigur hafðist en lokatölur voru 87-103 fyrir Tindastól.Meira -
Geðlestin stoppar í Gránu í Gulum september
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 09.09.2025 kl. 15.41Geðlestin verður á Sauðárkróki í Gulum september, nánar tiltekið þriðjudaginn 23. september kl. 20:00 í Gránu. Gulur september er forvarnarátak sem er ætlað að auka meðvitund fólks um mikilvægi geðræktar og sjálfsvígsforvarna. Geðhjálp býður öllum til samtals um geðrækt og mikilvægi hennar út lífið og að eiga saman góða stund sem lýkur með stuttum tónleikum þeirra félaga Emmsjé Gauta og Þormóðs. Aðgangur er ókeypis og boðið verður upp á kaffi og með‘í.Meira
