Jaka Brodnik kveður Krókinn
Körfuknattleiksdeild Keflavíkur greindi frá því í gær að búið væri að semja við Jaka Brodnik um að leika með liði Keflavíkur næstu tvö tímabil. Jaka hefur leikið með liði Tindastóls undanfarin tvö ár við góðan orðstír en hann kom til liðsins frá Þór Þorlákshöfn samhliða Baldri Þór Ragnarssyni, þjálfara Stólanna fyrir tímabilið 2019-2020 en þeir höfðu starfað saman hjá Þór Þorlákshöfn tímabilið á undan og slógu lið Tindastóls grátlega úr leik í 8-liða úrslitum í úrslitakeppni Dominos deildarinnar 2019.
Jaka Brodnik hefur verið lykilleikmaður í liði Tindastóls og komið vel fyrir bæði innan vallar og utan á Sauðárkróki, hans verður því sárt saknað.
Hann var með 14.4 stig og 6 fráköst að meðaltali í deildarkeppninni í vetur og 18 stig og 6.7 fráköst í seríunni á móti Keflavík í úrslitakeppninni þar sem að Tindastóli var sópað.
Jaka skrifaði undir tveggja ára samning við körfuknattleiksdeild Tindastóls í janúar í fyrra og átti hann því eitt ár eftir af samningi sínum hér á Króknum.
„Hann notfærði sér glugga í samningi, hálfum mánuði eftir að keppnistímabili lýkur mátti hann standa í viðræðum við annað félag en til þess þurfti hann að slíta samningi formlega við Tindastól á þessum hálfa mánuði, sem hann og gerði,“ Segir Ingólfur Jón Geirsson formaður körfuknattleiksdeild Tindastóls í samtali við Feyki.
Ingólfur segir að það sé sennilega ekki von á tilkynningum um nýja leikmenn í herbúðum Tindastóls á næstunni en hann útilokar það samt ekki.
„Nei ætli við tökum því ekki bara rólega, og þó, maður veit aldrei, þetta getur gerst hratt í þessum bransa.“
/SMH
Fleiri fréttir
-
Lið Grunnskóla Húnaþings vestra komið í úrslit Skólahreysti
feykir.is Íþróttir, Vestur-Húnavatnssýsla, Mannlíf 17.04.2024 kl. 18.40Í dag tók lið Grunnskóla Húnaþings vestra þátt í hasarnum sem Skólhreysti er en keppnin fór fram í Laugardagshöll og var sýnd í beinni útsendingu á RÚV. Það var ekki að spyrja að því að Húnvetningarnir komu, sáu og sigruðu sinn riðil og hafa því tryggt sér sæti í úrslitum keppninnar sem fara fram 25. maí.Meira -
Stólarnir ráðast ekki á garðinn þar sem hann er lægstur
feykir.is Skagafjörður, Íþróttir 17.04.2024 kl. 16.41„Þetta er spennandi leikur sem allir strákarnir hlakka til!“ sagði Dominic Furness, þjálfari karlalið Tindastóls, en dregið var í 32 liða úrslitum Mjólkurbikars karla í knattspyrnu nú í vikunni. Verkefnið sem Stólarnir fengu var ekki það þægilegasta, útileikur á Akranesi gegn Bestu deildar liði ÍA.Meira -
Samvinna er lykillinn að góðri útkomu
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 14.01Viðbragðsaðilar á Norðurlandi vestra stefna á hópslysaæfingu þann 11. maí næstkomandi. Í gær hittist hluti hópsins í húsnæði Krútt á Blönduósi og æfði viðbragð annars vegar við flugslysi og hins vegar rútuslysi þar sem settar voru upp tvær borðæfingar. Frá því segir á Facebook-síðu Lögreglunnar á Norðurlandi vestra að æfingar gærdagsins hafi verið undirbúningur fyrir stóru æfinguna í maí en samvinna er að sjálfsögðu lykilinn að góðri útkomu. „Samhæft viðbragð skilar betri þjónustu til borgaranna,“ segir í færslunni. Feykir forvitnaðist aðeins um æfinguna hjá Ásdísi Ýr Arnardóttur, sérfræðingi hjá LNV.Meira -
Vel heppnaður dagur og söfnun gengur vel
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 17.04.2024 kl. 13.24Fjölskyldufjör var haldið föstudaginn 12. apríl sl. í Varmahlíð þegar Ungmenna- og íþróttafélagið Smári, Foreldrafélag Varmahlíðarskóla og Kvenfélög Seyluhrepps, Lýtingsstaðahrepps, Akrahrepps og Staðarhrepps tóku höndum saman og hófu söfnun fyrir leik- og íþróttatækjum í Varmahlíð. Með söfnuninni var verið að svara kalli nemenda miðstigs Varmahlíðarskóla við erindi þar sem þau bentu á þörfina fyrir bættri aðstöðu til útiveru og hreyfingar.Meira -
Sigríður áfram formaður kjördæmisráðs Sjálfstæðisflokksins
feykir.is Skagafjörður, Austur-Húnavatnssýsla, Vestur-Húnavatnssýsla 17.04.2024 kl. 11.22Aðalfundur kjördæmisráðs Sjálfstæðisflokksins í Norðvesturkjördæmi var haldinn á Laugum í Sælingsdag um nýliðna helgi. Á fundinum var Sigríður Ólafsdóttir, Húnaþingi vestra, endurkjörin formaður kjördæmisráðs.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.