Kjúklingaréttur og pavlóvur
Matgæðingur vikunnar í tbl 1 á þessu ári var Róbert Smári Gunnarsson, sonur Elvu Bjarkar Guðmundsdóttur og Gunnars Braga Sveinssonar, og er bæði Fljótamaður og Króksari. Róbert býr í Skagafirðinum og stundar nám við Háskólann á Hólum. „Ég hef gaman af því að elda og baka og hef gaman af að prófa mig áfram. Amma mín, Imba Jós, naut þess ágætlega (held ég) í sumar, þegar ég reyndi að sýna listir mínar fyrir henni í eldhúsinu. Hugsa það hafi hafi gengið bærilega, allavega samkvæmt henni sjálfri og Bjögga frænda,“ segir Róbert Smári.
AÐALRÉTTUR
Kjúklingur með sætum kartöflum, spínati og salatosti (feta)
Þessa uppskrift af kjúklingnum sá ég fyrst hjá Svövu á ljufmeti.is. Ég minnkaði uppskriftina þannig að hún miðast við tvo fullorðna. Frábær réttur og einfaldur.
1/2 sæt kartafla
1/2 poki spínat
2-3 kjúklingabringur
1 lítil krukka salatostur (feta)
1/2 rauðlaukur, skorinn fínt
heilsutómatar eða konfekttómatar, skornir í bita
furuhnetur
balsamik gljái
(mér finnst gott að bæta við döðlum!)
Aðferð: Hitið ofninn í 180°C. Skrælið sætu kartöfluna og skerið í sneiðar eða notið ostaskera. Kartöflurnar eru settar í eldfast mót, smá ólífuolía yfir og kryddað með salti og pipar. Sett inn í ofn í 15 mínútur. Á meðan er kjúklingurinn undirbúinn. Skerið kjúklingabringurnar í bita og lokið þeim á heitri pönnu. Kryddið eftir smekk (t.d. með fajita). Þegar kartöflurnar hafa verið í ofninum í 15 mínútur eru þær teknar út. Þá er spínatið sett yfir þær og kjúklingurinn yfir spínatið. Síðan er tómötum og rauðlauk stráð yfir og loks salatostinum ásamt olíunni. Sett í ofn og bakað í 30 mínútur. Á meðan rétturinn er í ofninum eru furuhnetur ristaðar. Þegar rétturinn er tilbúinn er furuhnetunum stráð yfir og loks balsamik gljáa dreypt yfir.
EFTIRRÉTTUR
Pavlóvur með rjóma, berjum og Rolo-karamellusósu
Þakka móður minni fyrir aðstoðina við eftirréttinn, án hennar hefði þetta geta farið illa. Mæli með þessum eftirrétti, alveg frábær! Passleg fyrir 2-3 hringi.
1 eggjahvíta
¼ tsk. safi úr sítrónu
80 g sykur
¼ tsk. vanillusykur
Aðferð: Eggjahvítan er þeytt vel ásamt sítrónusafanum, og sykri bætt smám saman við. Að lokum er vanillusykrinum bætt við. Blandan er svo sett í sprautupoka og sprautað á bökunarpappír, þannig að verði að hringjum. Gott að hafa þá jafn stóra svo hægt sé að para saman. Einnig er gott að ýta aðeins á toppinn svo þær verði ekki ójafnar. Bakað við 130°c í 45 mínútur. (Ath. misjafnt eftir ofnum). Síðan er rjómi þeyttur og settur á milli og eins ofan á líka. Skreytt með berjum og nammi að vild.
Rolo krem:
2 ½ lengja Rolo
½ dl rjómi
Aðferð: Allt sett saman í pott þar til Roloið hefur bráðnað saman við rjómann. Kælt örlítið áður en hellt er yfir pavlóvurnar. Verði ykkur að góðu!
Verði ykkur að góðu
Sigga sigga sigga
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.