Kom foreldrum sínum skemmtilega á óvart með Íslandsheimsókn - Myndband
Katrín Lilja Kolbeinsdóttir Hansen kom foreldrum sínum hressilega á óvart þegar hún birtist á útidyratröppunum heima hjá þeim í Varmahlíð viku fyrir jól. Þau vissu ekki annað en dóttir þeirra yrði í Bretlandi yfir jólin þar sem hún stundar nám í handritaskrifum (e. scriptwriting) frá Bournemouth University. Eins og búast má við urðu viðbrögð foreldranna skemmtileg og allt tekið upp á vídeó.
Hlynur Hansen, eiginmaður Katrínar Lilju, er fjarnemi frá Háskóla Reykjavíkur þar sem hann leggur stund á tölvunarfræði. Hann fór til Íslands í nóvember síðastliðnum til að taka prófin og vinna sem leigubílstjóri en hann var svo til nýkominn aftur til Bretlands þegar Katrín flaug heim, svo hann ákvað að verða eftir. Hann á ættingja í Southampton og hyggst vera hjá þeim yfir jólin og plottið hjá Katrínu var að telja foreldrum sínum trú um það að hún yrði með honum þar.
Hvað aðra fjölskyldumeðlimi varðar þá vissu aðeins nánustu ættingjar Katrínar af þessu og lögðu henni lið í prakkarastrikinu. „Leifur, tvíburabróðir pabba og hans fólk, Lauga systir pabba, og svo örfáir vinir mínir vissu af þessu. Öllum fannst þetta ferlega sniðugt hjá mér og mér fannst algjört æði hvað allir gátu haldið þessu leyndu,“ segir Katrín Lilja og óhætt er að taka undir með henni hvetja fólk til að horfa á myndbandið til enda.
Kom foreldrunum rækilega á óvart með því að birtast óvænt heima viku fyrir jól. Viðbrögð foreldranna í lokin eru kostuleg ;) Surprised my parents by showing up unexpected, week before Christmas. My parents reaction in the end is priceless ;)
Posted by Katrín Lilja Kolbeinsdóttir Hansen on 17. desember 2017
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.