Komnir aftur upp í A-riðil
Drengirnir í 10. flokki körfuknattleiksdeildar Tindastóls eru komnir aftur upp í A-riðil eftir að þeir sigruðu alla leikina í annarri umferð í B-riðli á Íslandsmótinu, á Borgarnesi um sl. helgi.
Á heimasíðu Tindastóls segir að strákarnir hafi tapað öllum sínum leikjum í fyrstu umferðinni í A-riðli en það mót var haldið á sama tíma og árlega dansmaraþon 10. bekkjar og strákarnir því örþreyttir eftir að hafa dansað í heilan sólarhring.
Nú er staðan hins vegar önnur og Tindastólsmenn unnu alla andstæðinga sína og fóru þar með aftur upp í A-riðil.
Úrslit leikja
- Tindastóll - Fjölnir A 78-70
- Tindastóll - Fjölnir B 69-47
- Tindastóll - Breiðablik 74-43
- Tindastóll - Skallagrímur 68-44
Stigaskorið á milli leikmanna á mótinu: Pétur 74, Viðar 41, Finnbogi 29, Kristinn 28, Bjarni 28, Hannes 22, Haukur 16, Sigurður Óli 8, Ingi Sveinn 8, Friðrik 8, Ágúst 7, Elvar 8, Sighvatur 4 og Óli Björn 2.
Nýr leikmaður hefur bæst í hópinn, Hannes Másson og kemur frá Hvammstanga. Á vef Tindastól segir að hann sé sonur Más Hermannssonar, sem þótti og þykir jafnvel enn, liðtækur í boltanum. Hannes hefur mætt á nokkrar æfingar með Tindastóli og að sögn Kára Maríssonar hefur hann smollið vel inn í hópinn.
Strákarnir taka svo á móti Njarðvíkingum nk. laugardag í 16-liða úrslitum.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
