Konur á móti körlum í Útsvarinu í kvöld
Skagfirðingar og Eyjamenn eigast við í Útsvarinu í kvöld og má búast við hörkukeppni. Skagfirðingar tefla fram breyttu liði frá síðasta vetri sem eingöngu er skipað kvenmönnum en það mun vera í fyrsta sinn sem það gerist í keppninni.
Lið Vestmannaeyja er hins vegar skipað sömu einstaklingum og áður, þeim Gunnari Gunnarssyni, Ágústi Erni Gíslasyni og Sveini Waage. Í liði skagfirðinga eru þær Guðrún Helgadóttir prófessor við Háskólann á Hólum, Guðrún Rögnvaldardóttir framkvæmdarstjóri hjá Staðlaráði og Erla Björt Björnsdóttir háskólanemi.Guðrún var á leiðinni suður þegar blaðamaður Feykis náði í hana upp úr klukkan tvö í dag og var mikil dulúð yfir hernaðaráætlun liðsins. –Það má ekki gefa of mikið upp en við erum búnar að æfa táknmálin og ýmis brögð, sagði Guðrún sem ekki vildi upplýsa hver þeirra myndi leika eða hlaupa. Um mótherjana vissi Guðrún lítið en sagði að efalaust væru þar prýðispiltar á ferðinni.
Þá er bara að setjast fyrir framan skjáinn í kvöld og fylgjast með skagfirsku konunum taka Eyjapeyjana í kennslustund.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
