Körfuboltinn svífur hjá Tindastóli
Það verður í mörg horn að líta í körfunni á næstu dögum hjá Tindstælingum. Bikarleikir yngri flokka, deildarleikur í IEX-deildinni og drengjaflokki og svo Króksamótið í minnibolta. þegar þeir halda suður yfir heiðar og keppa við Hauka í 8-liða úrslitum bikarkeppninnar kl. 20.15 að Ásvöllum. Strákarnir spila svo heima á sunnudaginn kl. 15.00 gegn Valsmönnum í Íslandsmótinu.
Verið er að reyna að setja bikarleiki 9. flokks stúlkna og stúlknaflokks á sunnudaginn fyrir sunnan. Leiktímarnir liggja ekki fyrir á þessari stundu en skýrast vonandi sem fyrst og verður þá frétt þessi uppfærð í samræmi við það.
Króksamótið í minnibolta verður síðan haldið á laugardaginn, en mótinu var frestað vegna veðurs í nóvember sl. Eitthvað færra verður af þátttakendum en áætlað var í nóvermber, en engu að síður er gert ráð fyrir því að 120 krakkar, frá 6-11 ára taki þátt. Mótið hefst kl. 11 og er áætlað að því ljúki kl. 16-17 eða þar um bil. Þátttakendur koma frá Hvammstanga, Skagaströnd og Akureyri auk okkar krakka.
Það er meistaraflokkurinn sem slær botninn í þessa körfuboltahelgi þegar þeir taka á móti Haukum í IEX-deildinni á sunnudagskvöldið. Haukarnir eru leik á undan Tindastóli í deildinni og sitja sem stendur í 5. sæti. Stjarnan er á milli liðanna í 6. sæti, með 12 stig eins og Haukar. Stjarnan á útileik gegn Fjölni í næstu umferð. Gríðarlega mikilvægt fyrir okkar menn að sigra og þurfum við smekkfullt Síki til að hjálpa til við það.
/Tindastóll
Fleiri fréttir
-
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira -
Eva Rún og Bardaginn
feykir.is Skagafjörður, Mannlíf, Lokað efni 19.07.2025 kl. 16.15Sumir fá meira í fangið en aðrir og lífið virðist stundum ekki sanngjarnt. Þá hefst oft bardaginn við sjálfan sig og sálartetrið sem getur sannarlega verið strembinn. Feykir hefur áður birt viðtal við Evu Rún Dagsdóttir vegna veikinda sem hún gekk í gegnum. Hún hristi þau af sér harðnaglinn sem hún er en ekki leið á löngu áður en annars konar veikind tóku sig upp. Hamlandi kvíði. Eva Rún kallar ekki allt ömmu sína og hún reynir að takast á við sjúkdóminn á sinn hátt. Í vetur gaf hún út ljóðabók sem ber nafnið Bardagi þar sem hún skrifar um veikindi sín og bardagann sem hún stendur í.Meira -
Fyrsta messa í Hofskirkju eftir endurbætur
feykir.is Skagafjörður, Mannlíf, Lokað efni 19.07.2025 kl. 12.20Hofskirkja á Höfðaströnd var bændakirkja til 1915. Hún er orðin það aftur og er eigandi hennar Lilja Sigurlína Pálmadóttir á Hofi. Hofsókn og Hofsóssókn sameinuðust 2023 með Hofsóskirkju sem sóknarkirkju. Hofskirkja lagðist því af og eignaðist Lilja hana. Kirkjan var orðin verulega illa farin og þurfti miklar viðgerðir ætti hún að standa áfram.Meira
