Kórsöngur góður fyrir hjartað
Þegar söngfélagar syngja saman sem einn maður samræmist hjartsláttur þeirra hvort sem hægist á honum eða herðir á honum, að því er sænskir vísindamenn hafa fundið út og sagt er frá í vefútgáfu Telegraph.
Rannsóknin gæti útskýrt hvers vegna kórsöngur er sagður vera góður fyrir heilsuna, vegna þess að líklegt sé að minni breytileiki í hjartsláttartíðni sé góður fyrir líðan þína, er haft eftir þeim.
Þetta bendir einnig til að söngur geti bætt andann og samvinnu í hóp þar sem það hefur áhrif á Vagus taugina sem tengist tilfinningum og samskiptum við aðra, samkvæmt rannsókninni sem birt var í Frontiers in Neuroscience Journal.
Vísindamennirnir sem voru frá Háskólanum í Gautaborg, skoðuðu hjartslátt fimmtán 18 ára kórsöngvara sem sungu þrjár mismunandi raddæfingar: hummuðu, sungu sænska sálminn „härlig är Jorden“ og að lokum söngluðu þeir möntru.
Niðurstöðurnar til samans voru þær að að laglínan og uppbygging tónlistarinnar hafði bein áhrif á hjartalátt söngvaranna og samhljómurinn leiddi það af sér að hjartsláttur þeirra hækkaði og lækkaði á sama tíma.
Mantran eða sönglið sem þeir sungu, sem ólíkt hinum lögunum neyddi þá til að anda inn og út á sama tíma, reyndist hafða mest áhrif.
Björn Vickhoff, sem leiddi rannsóknina, segir „Söngurinn stjórnar virkni í vagus tauginni sem tengist tilfinningalífi okkar og samskiptum okkar við aðra sem t.d., hefur áhrif á raddblæ okkar þegar við syngjum.
Söngvar með löngum laglínum hafa sömu áhrif og öndunaræfingar í jóga. Með öðrum orðum, í gegnum söng getum við æft vissa stjórn á andlegu ástandi“.
Söngurinn gæti bætt heilsu þar sem þátttakendur neyddust til að taka upp rólegt og reglulegt öndunarmunstur, sem hefur góð áhrif á hjartsláttinn, segir Björn.
„Við vissum að kórsöngur samhæfir vöðvahreyfingar og taugaviðbrögð í stórum hluta líkamans. Núna vitum við líka að það sama virðist eiga við um hjartað að miklu leiti“.
Þetta eru góð tíðindi fyrir okkur Íslendinga þar sem kórastarf er á fáum stöðum í heiminum blómlegra og fróðlegt að vita hvort þetta hafi haft áhrif á hjartaheilsu landans.
Alla vega er ljóst að víða á landinu verða menn og konur glaðvær þegar brestur á með söng og vellíðan og gleði skín úr hverju andliti. Feyki.is var bent á þessa skemmtilegu færslu hjá Hjartalíf.is, sem á vonandi eftir að kæta marga Skagfirðinga.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
