Kristján Bjarni nýr skólastjóri Árskóla
Kristján Bjarni Halldórsson hefur verið ráðinn í starf skólastjóra Árskóla á Sauðárkróki og mun hefja störf við upphaf næsta skólaárs í haust. Þetta kemur fram á vef Skagafjarðar.
Kristján Bjarni er með MPA gráðu í opinberri stjórnsýslu og hefur lokið námi til kennsluréttinda, hvort tveggja frá Háskóla Íslands. Auk þess er hann með C.sc í byggingaverkfræði og stundaði einnig doktorsnám í mati á skólastarfi meðfram starfi við Menntavísindasvið Háskóla Íslands. Kristján Bjarni hefur starfað hjá Fjölbrautaskóla Norðurlands vestra undanfarin 24 ár í ýmsum stöðum, fyrst sem kennari og deildarstjóri í raungreinum og stærðfræði en sem áfangastjóri frá árinu 2016. Hann hefur auk þess í tvígang gegnt stöðu aðstoðarskólameistara í afleysingum.
Árskóli er heildstæður grunnskóli þar sem um 400 nemendur stunda nám. Í Árskóla vinnur sérhæft starfsfólk saman að því að mæta ólíkum einstaklingum með krefjandi verkefnum við hæfi hvers og eins. Unnið er í anda hugmyndafræðinnar um skóla án aðgreiningar og lögð er áhersla á að koma til móts við námsþarfir allra nemenda í skólahverfinu.
Skólastarfið í Árskóla er varðað mörgum hefðum sem setja sterkan svip á skólabraginn. Á hverju ári fer fram danshátíð þar sem nemendur 10. bekkjar dansa í sólarhring með aðstoð allra nemenda skólans. Allir bekkir æfa leikrit og setja á svið, alls rúmlega 30 sýningar í félagsheimilinu Bifröst. Auk þess setja 10. bekkingar upp barnaleikrit í fullri lengd og selja inn á sýningar sem hluti af fjáröflun fyrir skólaferðalag til Dannmerkur. Síðan má nefna friðargöngu, þorrablót, íþróttadag og gleðigöngu. Foreldrar og bæjarbúar taka virkan þátt í þessum hefðum. Árskóli var tilnefndur til íslensku menntaverðlaunanna árið 2024 fyrir framúrskarandi skólastarf.
Kristján Bjarni mun taka við stöðunni af Óskari G. Björnssyni sem stýrt hefur skólanum með miklum glæsibrag undanfarna áratugi.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
