KS stofnar sölu og dreifingarfyrirtæki í Rússlandi
Á forsíðu Bændablaðsins, sem út kom í gær, er sagt frá því að KS hyggist á næstunni setja á fót fyrirtæki í St. Pétursborg í Rússlandi sem muni markaðssetja íslenskt lambakjöt fyrir Rússlandsmarkað.
Jafnframt kemur fram að um sé að ræða þjónustu við dýra veitingastaði, þar sem hátt verð fáist fyrir vöruna. Þegar fram í sæki megi búast við að fyrirtækið geti markaðssett ýmsa aðra matvöru og dreift henni í Rússlandi.
Í blaðinu er rætt við Ágúst Andrésson, forstöðumann Kjötafurðastöðvar Kaupfélags Skagfirðinga. Að hans sögn hefur KS farið fyrir markaðssetningu á íslensku lambakjöti í Rússlandi sl. þrjú ár. Að sögn Ágústs er þetta mjög kröfuharður markaður, sem inniber sum af dýrustu veitingahúsum Rússlands og þar með í heiminum.
Vandamálið til þessa hefur verið það að kaupendur eru fremur litlir og eru oft ekki með innkaupaþjónustu eða vöruhótel á bak við sig. Ágúst segir að hingað til hafi náðst umtalsverður árangur í kynningu en minni í sölu, vegna þessa.
Því var ráðist í stofnun umrædds fyrirtækis, í samvinnu við hjónin Sigurjón Bjarnason og Katerinu Geerasimova, en Katarina er frá St. Pétursborg og með mikla þekkingu og tengingar þar út, að sögn Ágústs. Hið nýja fyrirtæki mun heita Icecorpo.
Nánar má lesa um þetta í 8. tölublaði Bændablaðsins.
Fleiri fréttir
-
Samvera, traust og gleði í Höfðaskóla á Skagaströnd
feykir.is Austur-Húnavatnssýsla, Mannlíf, Lokað efni 03.06.2025 kl. 11.24Skólaslit voru við Höfðaskóla á Skagaströnd sl. miðvikudag og við sama tækifæri voru nemendur 10. bekkjar útskrifaðir úr skólanum. „Við óskum ykkur öllum góðs sumarfrís og minnum á muna að vera dugleg að spyrja eftir bekkjarfélögum, leika saman, taka alla með í hópinn og vera góð og kurteis við alla,“ segir í færslu á vef skólans um leið og nemendum og forsjáraðilum er þakkað fyrir góða samveru á skólaárinu.Meira -
Ástand á Hæli
feykir.is Austur-Húnavatnssýsla, Lokað efni 03.06.2025 kl. 10.15Óveðrið kemur víða við í dag. Hjá Jóni Kristófer bónda á Hæli á Ásum í A-Hún. leitaði þessi góða kind skjóls undir rababarabeði.Meira -
Aðstæður í Fljótum farnar að líkjast ástandinu í fyrra
feykir.is Skagafjörður, Lokað efni 03.06.2025 kl. 09.25Það ýmist rignir eða snjóar þessa fyrstu daga júnímánaðar. Fljótin verða oft illa úti þegar svona viðrar og Feykir hafði því samband við Halldór Gunnar Hálfdansson á Molastöðum í Fljótum í morgun og forvitnaðist um hvort veðrið léki Fljótamenn illa. „Þetta er orðið ansi mikið og farið að líkjast ástandinu í fyrra,“ sagði Halldór.Meira -
Veður með versta móti og gleðiganga Árskóla slegin af
feykir.is Skagafjörður, Austur-Húnavatnssýsla, Vestur-Húnavatnssýsla 03.06.2025 kl. 08.47Það er leiðindaveður á Norðurlandi vestra en þó sennilega sýnu verst í Skagafirði þar sem norðanáttin nær sér vel á strik og það hellirignir. Reikna má með svipuðu veðri fram eftir degi og dregur varla úr úrkomu og vindi fyrr en líða fer á miðvikudaginn. Allir vegir eru færir en snjór og krap var á heiðum í morgun sem og í Langadalnum og Hrútafirði.Meira -
Schengen er sannarlega vandamálið | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 03.06.2025 kl. 08.21Fullyrt var í grein Þorbjargar Sigríðar Gunnlaugsdóttur, dómsmálaráðherra og þingmanns Viðreisnar, í Morgunblaðinu á dögunum að aðild Íslands að Schengen-svæðinu ætti ekki sök á því ófremdarástandi sem verið hefur viðvarandi á landamærum landsins að öðrum aðildarríkjum svæðisins. Sú fullyrðing stenzt hins vegar enga skoðun. Til að mynda er engin tilviljun að vandamálin í þeim efnum eru svo gott sem eingöngu gagnvart Schengen-svæðinu en ekki ríkjum utan þess.Meira
