Landsbankamót og Króksmót FISK Seafood
Undirbúningur er fyrir nokkru hafinn hjá knattspyrnudeild Tindastóls vegna Landsbankamóts og Króksmóts FISK Seafood sem haldin hafa verið á Sauðárkróki í áraraðir. Búið er að ráða tvo mótsstjóra sem munu halda utan um bæði mótin en það eru þeir félagarnir Guðjón Örn Jóhannsson og Ingvi Hrannar Ómarsson. „Báðir eru þeir reynsluboltar í þessu og það er mikill fengur að hafa slíka menn innanborðs,“ segir í fréttatilkynningu frá Tindastóli.
Í tilkynningunni kemur fram að þegar nær dregur mun verða kallað á fleiri aðila til að koma að undirbúningi og framkvæmd mótanna en þar á félagið frábært fólk sem lagt hefur þessum verkefnum lið um áraraðir.
Landsbankamótið sem er fyrir stelpur í 5. 6. og 7.flokki verður haldið dagana 28. og 29. júní en Króksmót FISK Seafood sem er fyrir stráka í 5. 6. og 7. flokki verður dagana 9. og 10. ágúst. Bæði þessi mót fara fram á Sauðárkróksvelli.
„Nú eftir breytingar á Árskóla hefur öll gistiaðstaða batnað til muna enda telja skipuleggjendur að þetta sé ein allra besta aðstaða sem boðið er uppá á sambærilegum mótum. Nálægðin við allt skapar okkur töluverða sérstöðu; gisting keppenda og gesta, vellirnir og mötuneytið, allt á nánast sama stað,“ segir í tilkynningunni.
Leikir hefjast á laugardagsmorgni og gert er ráð fyrir að báðum mótunum ljúki um miðjan dag á sunnudegi. Á báðum mótunum verður boðið upp á metnaðarfulla kvöldvöku en þar munu félagarnir Auddi Blö. og Jón Jónsson skemmta.
„Það eru því spennandi mót framundan á Króknum í sumar og ástæða að fara að láta sér hlakka til,“ segir loks í tilkynningu.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
