Landsmót hestamanna formlega sett í gærkvöldi
Það hýrnaði heldur betur yfir Landsmótsgestum á Vindheimamelum í Skagafirði í gær þegar sólin lét loks sjá sig eftir frekar kalda daga þar á undan og settist hún ekki meðan dagskrá leið. Í gærkvöldi var mótið formlega sett að viðstöddu fjölmenni er naut veðurblíðunnar í áhorfendabrekkunni.
Setningarathöfnin hófst með glæsilegri hópreið hestamanna þar sem hátt í 300 manns tóku þátt og riðu settlega inn á völlinn hver í sínum félagsbúningi. Bjarni Jónsson forseti sveitarstjórnar Skagafjarðar sté fyrstur í pontu þeirra er fluttu ávörp en meðal þeirra voru séra Sigríður Gunnarsdóttir sóknarprestur á Sauðárkróki, Svandís Svavarsdóttir menntamálaráðherra, Gunnar Sturluson f.h. stjórnar FEIF og Haraldur Þórarinsson formaður LH og Landsmóts sem setti mótið formlega.
Karlakórinn Heimir söng falleg lög og meðal annars Skín við sólu Skagafjörður sem átti vel við í kvöldsólinni og Eyþór Árnason skáld frá Uppsölum flutti drápu um skagfirst mannlíf og náttúru og þakkaði m.a. fyrir það að Drangey hefði verið kýr er hún dagaði uppi í Skagafirði en ekki meri því þá væri hún líklega stödd núna í Húnaflóanum. Strax eftir mótssetningu var fram haldið skeiðkeppni frá deginum áður þar sem skeiðgarpar tóku tvo síðari sprettina í keppninni.
.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
