Leikir Tindastóls í körfu um helgina
Bikarkeppni yngri flokka Tindastóls hefst um helgina þar sem en 10. flokkur stúlkna keppir við Njarðvíkinga í Ljónagryfjunni í Njarðvík, 9. flokkur drengja tekur á móti Breiðabliki og 10. flokkurinn á móti Njarðvík. Drengjaflokkur mun spila heimaleik á laugardag.
Samkvæmt heimasíðu Tindastóls mæta stelpurnar í 10. flokki Njarðvíkingum í Reykjanesbæ kl. 13.30 á laugardaginn. Njarðvíkurstúlkur eru með sterkt lið í A-riðli og því hörkubarátta framundan hjá Tindastólsstúlkum.
9. flokkur drengja keppir við Breiðablik á heimavelli á laugardag. Blikarnir sigruðu C-riðilinn á dögunum á meðan Tindastólsdrengir vörðu sæti sitt í B-riðli og verður því eflaust um hörkuleik að ræða. Leikurinn hefst kl. 13.00.
10. flokkur drengja tekur á móti Njarðvíkingum í Síkinu skömmu síðar, kl. 14.30. Njarðvíkingar unnu C-riðilinn í síðasta móti á meðan Tindastólsstrákarnir sigruðu alla leiki í B-riðli.
Drengjaflokksstrákarnir spila við KR-b í Íslandsmótinu í Síkinu á laugardaginn KR hefur þegar leikið sjö leiki í deildinni, unnið tvo leiki gegn ÍA og Val en tapað fimm leikjum. Tindastólsdrengir eru hins vegar ósigraðir í riðlinum eftir fjóra leiki og sitja í 4. sæti riðilsins með átta stig. Leikurinn hefst kl. 16.00.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
