Leikmaður 18. umferðar - Atli Arnarson
Atli Arnarson, leikmaður meistaraflokks karla hjá Tindastól hefur staðið sig mjög vel í sumar og hefur verið valinn besti leikmaður 18. umferðar á fótbolti.net. Hér má lesa viðtalið sem fótbolti.net tók við Atla.
Bestur í 1. deild: Erum hættir að slást
Atli skoraði tvö mörk og lagði upp eitt í 3-1 sigri Tindastóls á KF á laugardag.
;,Það voru allir að spila vel og fyrir utan kannski fyrstu 20 mínúturnar þá fannst mér við stjórna leiknum að mestu leyti. Við sköpuðum okkur fullt af færum og hefðum átt skora fleiri en heilt yfir fannst mér þetta vel spilaður leikur."
Atli segir að það hafi verið extra gaman að hafa betur í Norðurlandsslag gegn KF.
,,Já klárlega, það er alltaf gaman að vinna þessa nágrannaslagi, þetta eru alltaf hörkuleikir og mikil læti. Það var líka ennþá sætara að við höfum farið langleiðina með að tryggja sæti okkar í deildinni með sigrinum."
Tindastóll er eftir leikinn með 25 stig í 7. sætinu í 1. deildinni og Atli er nokkuð ánægður með tímabilið.
,,Svona að mestu leyti. Auðvitað vilja menn alltaf gera betur, en við getum ennþá náð okkar markmiðum og bætt besta árangur liðsins frá upphafi. Ég hef fulla trú á að við náum því og að strákarnir klári þessa leiki sem eftir eru með stæl."
Atli er fæddur árið 1993 en þrátt fyrir ungan aldur hefur hann verið fastamaður í liði Tindastóls undanfarin ár. Síðastliðinn vetur æfði Atli með Breiðabliki en hann segist ekki hafa heyrt af áhuga úr Pepsi-deildinni.
,,Ég hef ekki heyrt frá neinum á þessu tímabili, en vonandi að maður hafi náð að vekja einhverja athygli í sumar. Maður stefnir auðvitað á að spila í efstu deild og vonandi nær maður því fljótlega."
Hjá Tindastóli spilar Atli með eldri bróður sínum Árna á miðjunni og þeir láta stundum hvorn annan heyra það.
,,Það er mjög fínt, við þekkjum leik hvors annars vel enda búnir að spila saman síðan við vorum pollar og það hjálpar auðvitað. En ef að annar okkar er með allt niðrum sig þá fær hann alveg að heyra það, svo er það yfirleitt afgreitt í kvöldmatnum heima, en við erum allavega hættir að slást," sagði Atli léttur í bragði að lokum.
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
