Líf og fjör á Lífsins gæði og gleði
Atvinnulífssýning Skagafjarðar - Lífsins gæði og gleði hófst kl. 10 í morgun og er óhætt að segja að líf og fjör sé í íþróttahúsinu á Sauðárkróki um þessar mundir.
„Á sýningunni eru á sjötta tug bása og um 100 sýnendur ,“ segir Sigfús Ingi Sigfússon verkefnastjóri hjá Sveitarfélaginu Skagafirði í samtali við Feyki. Hann segir málstofurnar hafa farið vel af stað með spennandi umræðum og þá hafa nokkrir stigið á svið, m.a. Kvennakórinn Sóldís sem tók lagið fyrir sýningargesti og konur úr Pilsaþyt var með sýningu á íslenskum þjóðbúningum.
Fjölmörg atriði eru framundan en Kl. 15:00 voru krakkar frá Tindastóli vera með uppboð, kl. 15:30 mun Vodafone kynna úrslit í getraun og svo munu Sunna og Tinna sem voru fulltrúar FNV í Söngkeppni framhaldsskólanna taka svo lagið kl. 16. „Það er fullt af fólki í húsinu og hér ríkir mikil gleði og ánægja,“ segir Sigfús. Sýningin verður opin til kl. 17 í dag.
Sæluvikan sett á sunnudag
Atvinnulífssýning verður svo opin frá kl. 10-16 á morgun. Þá verður einnig margt um að vera en þá mun m.a. Ásta B. Pálmadóttir sveitarstjóri setja Sæluvikuna kl. 14:30. Karlakórinn Heimir ætlar að taka lagið og úrslit úr Vísnakeppninni verða kynnt. Einnig mun Alþýðulist standa fyrir tískusýningu á ýmsum ullarvörum.
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
