Margvíslegt eignartjón í „dýrvitlausu“ veðri
Margvíslegt eignartjón hefur orðið í Skagafirði í storminum sem gekk yfir landið í gær og í nótt og þar er víða bálhvasst enn. Eins og fram kom á feykir.is í morgun liggur rafmagnslína yfir veginn á milli bæjanna Miðsitju og Sólheima í Blönduhlíð og eru því hátt í tíu bæir rafmagnslausir þar.
Jónína Guðrún Gunnarsdóttir í Syðra-Vallholti sagði í samtali við Feykir nú fyrir skemmstu að þar ætti eftir að fara út og skoða skemmdir betur. „Það er enn helvítis spænurok hér í holtinu. En það sem ég sé er að hlöðuhurðin að norðanverðu er fokin út í veður og vind. Kerrann sem „var“ nokkuð vegleg að stærð og gerð er fokin og er í henglum á girðingunni hér sunnan við húsið. Við könnum þetta betur þegar verður stætt úti,“ segir Jónína, sem eðli málsins samkvæmt varð að afboða sig í vinnu sem hún sækir á Sauðárkróki.
Evelyn Ýr Kuhne, ferðaþjónustubóndi á Lýtingsstöðum í Skagafirði segir að þar hafi lítið geymsluhús tekið smá loftkast en hangi enn í spottanum. „Bóndinn er að taka stöðuna en ég hef ekki ennþá fengið útkall. Annars er bálhvasst núna og við ennþá viðbúin öllu,“ sagði Evelyn. Engir ferðamenn voru á Lýtingsstöðum í nótt, en þar er rekin ferðaþjónusta allt árið.
Kolbrá Höskuldsdóttir, sem búsett er í Borgarfirði en heldur til í Sólheimagerði í Blönduhlíð um þessar mundir og stundar vinnu á Syðra-Skörðugili, segir að þar sé ekki rafmagnlaust, en ýmsir aðrir bæir í Blönduhlíð eru rafmagnslausir, enda liggur rafmagnslína yfir veginn og hann því ófær sem stendur. „ Það liggur rafmagnlína yfir veginum hér á milli bæja og því með öllu ófært og bannað að aka veginn. Mín eina leið í vinnuna er því að fara austur fyrir, þ.e. í gegnum Egilsstaði, Kirkjubæjarklaustur, Selfoss og svo áfram. Spurning hvort maður láti á reyna og verði í kjölfarið kosinn starfsmaður mánaðarins,“ sagði Kolbrá á gamansömu nótunum.
Haft var eftir Vernharð Guðnasyni, slökkviliðsstjóra og formanni almannavarnarnefndar í Skagafirði í frétt á ruv.is í morgun að veður hefði verið snælduvitlaust í Skagafirði í nótt og í morgun og björgunarsveitir hafi haft í nógu að snúast.
Verst var veðrið í austanverðum Skagafirði eins og við var búist. Fyrstu tilkynningar um foktjón bárust í gærkvöldi. Björgunarsveit frá Sauðárkróki var senda á vettvang og varð frá að hverfa vegna veðurs. „Það var ekkert hægt að gera og ekki stætt úti. Það var bara dýrvitlaust veður og það hélst þannig langt fram á nótt,“ segir Vernharð í viðtali á ruv.is.
Þá voru víða truflanir á rafmagni og rafmagnsleysi í nótt og víða hefur frést af tjónum á útihúsum og lausamunum. Feyki er ekki kunnugt um tjón á íbúðarhúsum eða fólki. Skólahald féll almennt niður í Skagafirði í dag en þó var kennt í Árskóla á Sauðárkróki og leikskólinn Ársalir opinn, enda náði veðrið sér aldrei á strik á Sauðárkróki.
Hægt er að senda myndir og fréttaskot frá óveðrinu á netfangið kristin@feykir.is eða í síma 8673164.
Fleiri fréttir
-
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira -
„Ég er sveitavargur og hefur alltaf liðið vel að koma í Skagafjörðinn“
feykir.is Skagafjörður, Íþróttir, Lokað efni 14.06.2025 kl. 13.47Blaðamaður Feykis hitti nýjan þjálfara meistaraflokks Tindastóls föstudaginn 7. júní þegar hann skrifaði undir tveggja ára samning. Blaðamaður settist niður með Arnari og spjallaði aðeins við kauða og tók stöðuna. Fyrst var kannski að fá að vita hver Arnar Guðjónsson er en hann er sveitastrákur úr Borgarfirði, sonur tveggja íþróttakennara, sem hefur alla tíð haft ótrúlega gaman af íþróttum og fólki og lá þá kannski beinast við að fara í þjálfun.Meira -
Grænmetis lasagna og tómatasalat | Matgæðingur Feykis
feykir.is Skagafjörður, Í matinn er þetta helst, Lokað efni 14.06.2025 kl. 10.00Matgæðingur vikunnar í tbl 6 var að þessu sinni Guðbjörg Gunnarsdóttir en hún er gift Sigurjóni Sæland. Guðbjörg er fædd og uppalin á Króknum en flutti í Reykholt í Bláskógarbyggð 1998. Guðbjörg og Sigurjón eiga þrjú börn og fjögur barnabörn. Guðbjörg starfar sem deildarstjóri á leikskólanum Álfaborg og hefur unnið þar í 15 ár.Meira
