Minki fjölgar ár frá ári
Á forsíðu nýjasta tölublaðs Bændablaðsins sem út kom í dag er rætt við Jón Númason, bónda og minkaveiðimann á Þrasastöðum í Fljótum um uppgang villiminks í Skagafirði. Að sögn Jóns hefur minki úti í náttúrunni fjölgað mikið undanfarin ár og sé hann að verða stærri og öflugri en áður var. Telur hann að ástæðuna megi fyrst og fremst rekja til þess að minkaveiðum sé ekki sinnt sem skyldi enda séu þær ekki ýkja vel launaðar.
Á fundi landbúnaðarnefndar Sveitarfélagsins Skagafjarðar þann 30. apríl sl. kemur fram að landbúnaðarnefnd hefur áhyggjur af uppgangi minks innan sveitarfélagsins og hvetur menn til að halda vöku sinni. Á fundinum var samþykkt áætlun um minka- og refaveiði ársins 2019. Samkvæmt henni skal greiða vegna refaveiða ráðinna veiðimanna 20.000 kr. fyrir grendýr, 7.000 kr. fyrir hlaupadýr og vetrarveiði. Verðlaun til annarra fyrir unninn ref 7.000 kr. Vegna minkaveiða ráðinna veiðimanna verða greiddar 7.200 kr. fyrir unnið dýr og verðlaun til annarra verða 1.800 kr. á dýr.
Í viðtali Bændablaðsins við Jón, sem sér um veiðar í Fljótunum, kemur fram að minknum fjölgi ár frá ári og segir hann að ekki sé lengur hægt að skella skuldinni á dýr sem sleppi úr búrum á minkabúum þar sem búum hafi fækkað gríðarlega á liðnum árum og nú sé einungis eitt slíkt eftir í Skagafirði.
„Fyrst og fremst má rekja uppgang minks í íslenskri náttúru til þess að veiðum er ekki sinnt sem skyldi. Það má svo eflaust rekja til þess að launin eru ekki ýkja góð, þau eru byggð þannig upp að greitt er fyrir veidd dýr, en oft er staðan sú að maður er á ferðinni heilan dag við leitir og finnur ekki neitt, veiðir ekkert dýr og fær þá engin laun. Það verður svo til þess að áhugi á veiðum dalar, minkurinn fær frið og honum fjölgar,“ segir Jón í viðtalinu.
Þá segir Jón að dýrin séu nú orðin stærri og þyngri en áður. Einnig hafi minkurinn víkkað búsvæði sín og leiti nú meira upp til fjalla þar sem hann sé kominn í samkeppni við refinn um æti.
Jón telur mikilvægt að efla minkaveiðar og þurfi sveitarfélögin að koma á samstarfi um veiðarnar þar sem minkurinn virði ekki hreppamörk, heldur ferðist á milli. Sem dæmi tekur hann að í vetur hafi sést til ellefu minka í Svarfaðardal en dalurinn var laus við mink eftir mikið átak sem þar var gert fyrir um áratug. Í sjö ár hafi minkur ekki sést þar en hann hafi skotið upp kollinum á ný nú í vetur. Jón telur líklegast að þessir minkar hafi komið úr Skagafirði og ferðist yfir Heljardalsheiði. Þetta sýni að sveitarfélög verði að stilla saman strengi sína.
Viðtalið má lesa í heild sinni hér.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.