Minningartónleikar Elísabetar Sóleyjar
Minningartónleikar Elísabetar Sóleyjar Stefánsdóttur, sem lést eftir hetjulega baráttu við krabbamein þann 15. febrúar sl., verða haldnir í Tjarnabíói í Reykjavík þann 26. mars og hefjast kl. 20. „Ég, ásamt fleirum, dáðist að baráttuvilja hennar og æðruleysi í þessum miklu veikindum sem hún gekk í gegnum og langaði einfaldlega að leggja henni lið á einhvern hátt,“ sagði Hulda Jónasardóttir, skipuleggjandi og vinkona Elísabetar, í samtali við Feyki.
Nokkrir vinir og vandamenn Elísabetar höfðu ráðgert að halda styrktartónleika fyrir hana og dæturnar. Eftir andlát hennar var ákveðið að halda þeirri dagsetningu óbreyttri og halda þess í stað minningartónleika. Öll innkoma mun renna til dætra Elísabetar; þeirra Hörpu Katrínar, Sólveigar Birnu og Rebekku.
„Hún tók afskaplega vel í þá hugmynd að halda tónleika og hlakkaði mikið til og tók fullan þátt með mér í undirbúningnum fyrst til að byrja með og hafði m.a. sjálf komið með hugmyndir af því hvaða listamenn hana langaði að sjá á tónleikunum og held ég að það hafi tekist að uppfylla allar hennar óskir... því allir listamennirnir tóku alveg svakalega vel í þetta,“ segir Hulda en sem fyrr segir stendur hún að tónleikunum ásamt Valgerði Erlingsdóttur, sem verður kynnir og Adam Smára Hermannssyni sem sér um öll tæknimál.
Fram koma Vestanáttin, Víó, Jógvan Hansen og Vignir Snær, Regína Ósk, Sigga Beinteins, Guðrún Gunnars, Pétur Ben, Sólveig Fjólmunds, Kristján Gíslason, Ægir Ásbjörnsson, Hreindís Ylva og Sandra Gunnars.
„Við ætlum að reyna að skapa kósý stemmingu og flytja fallega tónlist. Lög eins og „Heyr mína bæn“, „Umvafin englum“, „Halelujah“, og „Björt nótt“ eftir Geirmund eru lög sem munu m.a. heyrast þetta kvöld í bland við eitthvað meira rokk og ról,“ sagði Hulda og bætti við að dætur Elísabetar ætli að opna tónleikana með því að taka lagið með söngkonunni Regínu Ósk en hún hefur kennt þeim söng.
Miðasala er hafin á www.midi.is og kostar miðinn 3500 kr. Þess má geta að ekki verður hægt að kaupa miða við innganginn.
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
