Mold og Hamfarapopp
Tónlistarmaðurinn Helgi Sæmundur er með mörg járn í eldinum þessa dagana. Þar á meðal er samstarfsverkefni hans og Emmsjé Gauta, sem virðist hafa hætt sér út af malbikinu og út í moldina (eða móa), því þeir kappar senda frá sér plötuna Mold á næstunni. Þrátt fyrir að vera ekki komin út er Mold engu að síður Plata vikunnar á Rás2 þessa vikuna. Þá kemur út nýtt lag á morgun, Hamfarapopp, með þeim æskuvinum, Helga Sæmundi og Arnari Frey, í Úlfur Úlfur en Salka Sól aðstoðar þá félaga í laginu.
Í umfjöllun rúv.is um Plötu vikunnar á Rás2 segir: „Platan ber höfundareinkenni beggja [Emmsjé Gauta og Helga Sæmundar] þó greinilega kveði við nýjan tón í samstarfinu eins og hlustendur hafa tekið eftir í lögunum Tossi og Heim sem hefur verið vel tekið af útvarpshlustendum og á streymisveitum.
Platan Mold inniheldur níu lög og texta sem eru flest eftir þá Gauta og Helga Sæmund en þeir fá til sín góða gesti við lagasmíði, hljóðfæraslátt og söng eins og venja er orðin í poppinu. Meðal þeirra sem reka inn nefið eru Arnar Freyr Frostason úr Úlfi Úlfi auk Flóna, Magnúsar Jóhanns Ragnarssonar, Þormóðs Eiríkssonar, Arnars Inga Ingasonar og Reynis Snæs Magnússonar.“
Á Facebook-síðu Helga Sæmundar kemur fram að hann gerir nú út frá Sauðárkróki og hefur að undanförnu verið að dútla við að koma sér upp stúdíói á hafnarsvæðinu, „...svo ég kæmi mér út á morgnana í staðinn fyrir að vinna á brókinni allann daginn.“ Feykir birtir fyrr en síðar viðtal við Helga Sæmund.
Hér er slóð á viðtal við félagana Helga og Gauta >
Fleiri fréttir
-
Eitthvað smávegis á góðan stað
feykir.is Skagafjörður, Mannlíf, Lokað efni 01.07.2025 kl. 19.44Tónleikarnir Græni salurinn fóru fram síðastliðið föstudagskvöld og vel tókst til að venju en tónleikarnir að þessu sinni voru tileinkaðir minningu listamannsins Gísla Þórs Ólafssonar (Gillons). Þegar tilfallandi kostnaður við tónleikahaldið hafði verið gerður upp var einhver afgangur eftir og í dag fóru tónleikahaldarar og færðu fjölskyldu Gísla það sem út af stóð.Meira -
Bikarkeppni Frí 2025 á Sauðárkróki um næstu helgi
feykir.is Skagafjörður, Íþróttir, Lokað efni 01.07.2025 kl. 15.40Það verður sprett úr spori, stokkið og kastað á Bikarkeppni Frjálsíþróttasambandsins á Sauðákróksvelli 5 – 6 júlí, sem sagt um næstu helgi. Keppt er í 2. flokkum, kvenna og karla, fullorðnir og 15 ára og yngri.Meira -
Getur þú bætt í þekkingarbrunn um íslenska náttúru? | Jóhann Helgi Stefánsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 01.07.2025 kl. 14.18Ísland er auðlindaríkt land, en auðlindirnar sem oft er litið fram hjá í daglegri umræðu eru þær sem felast í gróðri og jarðvegi. Íslensk gróðurvistkerfi hafa sögulega orðið fyrir miklu raski svo sem rofi og því er einstaklega mikilvægt að hlúa að móunum okkar. Til þess er ómetanlegt að eiga góðar myndir af landi svo hægt sé að fylgjast með gangi mála. Þar gætir þú, kæri lesandi, komið sterkur inn. Með þátttöku í verkefninu Landvöktun – lykillinn að betra landi, sem ætlað er að kanna ástand þessara auðlinda og hvernig þær þróast, getur þú bætt í þennan mikilvæga þekkingarbrunn.Meira -
Fjóla fór á grásleppu á Skagafirði
feykir.is Skagafjörður, Mannlíf, Lokað efni 01.07.2025 kl. 11.51Í byrjun júní voru frumfluttir tveir útvarpsþættir á Gömlu gufunni þar sem Króksarinn brottflutti, Fjóla K. Guðmundsdóttir, kynnir sér grásleppuveiði og skellir sér á sjóinn með Guðmundi Hauki frænda sínum, syni Smilla heitins á Þorbjargarstöðum á Skaga og Brynju Ólafsdóttur. Í fyrri þættinum kynnti Fjóla sér undirbúning veiðanna og lærði eitt og annað gagnlegt en í seinni þættinum er haldið út á Skagafjörðinn og grásleppa dregin. Helstu viðmælendur Fjólu eru mæðginin Brynja og Guðmundur og voru samtölin bæði skemmtileg og fróðleg. Eftir að hafa hlýtt á þættina fannst blaðamanni ekki annað hægt en að spyrja Fjólu aðeins út í þáttagerðina og hvernig það var að starfa einn dag sem grásleppukarl.Meira -
Sniglarækt möguleg hliðarbúgrein bænda?
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.07.2025 kl. 10.00Fyrir nokkru var Sigurður Líndal forstöðumaður Eims í viðtali á RÚV vegna frétta af því að Eimur hefði fengið styrk úr Lóu nýsköpunarsjóði sem er opinber sjóður til að styrkja nýsköpun á landsbyggðinni. Styrkinn fékk Eimur til að undirbúa kynningar á sniglarækt sem hliðarbúgrein en við hana mætti nýta umframorku og affall af hitaveitu. Einhvers misskilnings hefur gætt um að húnveskir bændur séu komnir á fullt í sniglarrækt. Hið rétta er að verkefnið er á frumstigi.Meira
