Myndaáskorun um minjar í íslenskri náttúru
Byggðasafn Skagfirðinga hefur tekið þátt í myndaáskorun sem fór fram á Facebook síðustu daga en fimmta og jafnframt síðasta myndin var birt í dag. Það var Fornleifastofnun Íslands sem skoraði á Byggðasafnið að birta myndir af minjum í íslenskri náttúru á fimm dögum.
„Af nógu er að taka og við ætlum að byrja í Grafarósi (sunnan Hofsóss) en þar var verslunarstaður á árunum 1835-1915. Minjarnar er í hættu þar sem Grafará er að brjóta af höfðanum öðrum megin og sjórinn hinu megin. Það er kjörið að fá sér göngutúr út á höfðann og skoða minjarnar og njóta fallegrar náttúru í leiðinni,“ segir á Facebook-síðu Byggðasafnsins.
„Það rignir stundum á starfsmenn safnsins (og gránar jafnvel í fjöll) við vinnu og þá er gott að geta leitað skjóls í smalabyrginu á Akradal. Þaðan er víðsýnt en við horfum fram Heimdal í þokumóðu og sjáum Tungufjallsá sem rennur eftir dalbotninum og síðustu metrana í gili að ármótum við Djúpadalsá,“ segir á örðum degi áskorunarinnar.
„Það er glaðasólskin í Skagafirði í dag og við auðvitað í sólskinsskapi. Í svona góðu veðri leitar hugurinn til sumarsins og við stöldrum við á dásamlegum degi í Málmey en þar var búið allt frá landnámi fram til ársins 1951. Á myndinni er hlöðuþak með bárujárni í forgrunni en í baksýn er Höfðaströnd frá vinstri, Þórðarhöfði, Málmeyjarsund og lengst til hægri Kringla, syðsti hluti eyjarinnar,“ segir á þriðja degi.
„Við höldum áfram að ylja okkur við fallegar sumarmyndir, að þessu sinni frá bænum Ytri-Björgum á vestanverðum Skaganum sem skilur að Húnaflóa og Skagafjörð. Í forgrunni er gamall áburðardreifari en í baksýn björgin sem bærinn dregur nafn sitt af og Bjargstapi, stakur klettur með gati í gegn, þar sem veiðibjallan á sér öruggt varpland,“ segir á fjórða degi.
„Við fljúgum yfir Gjávík í Sléttuhlíð og virðum fyrir okkur beitarhúsatóftir á bakkanum. Húsin til vinstri á myndinni voru kölluð Fjárborg og byggð laust fyrir 1940. Myndin sýnir glögglega hvernig sjórinn brýtur land og er þegar byrjaður að brjóta af tóftunum. Byggðasafnið hefur á undanförnum árum skráð strandlínu Skagafjarðar og stefnt er að því að ljúka verkefninu í ár,“ segir á fimm og jafnframt síðasta degi áskorunarinnar.
Fleiri fréttir
-
Kynbótasýning á Hólum, Önnur tilraun
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 16.01Vorin eru uppskerutími hrossabænda en þá mæta þeir með merar sínar og stóðhesta á kynbótasýningar. Þar eru hrossin vegin og mæld og riðið fyrir dómnefnd skipaða þremur sérfræðingum.Meira -
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Huni.is segir frá því að á föstudaginn 20. júní verður haldið skákmótið Húnabyggð open sem er í tengslum við skákhátíðina sem stendur yfir á Blönduósi og lýkur þann 21. júní. Enn er hægt að skrá sig til leiks.Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira
