Myndir frá Mjúkísmóti
Á dögunum var haldið svokallað Mjúkísmót á Holtstjörn við Skörðugil í Seyluhreppi hinum forna. Fjallað hefur verið um mótið í Feyki en hér birtist myndasyrpa frá mótinu sem var hið skemmtilegasta.
„Upphafið að þessu Holtstjarnar-ísmóti var eitthvað á þá leið að við Einar brugðum okkur af bæ í nokkra daga í janúar 2003. Einar og Eyþór voru þá piparsveinar í föðurhúsum og eins og ungra manna er háttur þá var einhver fiðringur í þeim svo að dagsverkum loknum röltu þeir út á Ytra til Ingimars og Kollu. Í þeirri heimsókn kviknaði hugmyndin að því að halda ísmót á Tjörninni og grunnurinn var að þetta yrði einskona minningarmót um föður minn, Dúdda á Skörðugili,“ sagði Ásdís Sigurjónsdóttir í samtali við Feyki um upphafið að mótinu.
Í upphafi var ákveðið að þeir sem fengju að vera liðstjórar á mótinu væru þeir sem land ættu að Holtstjörn, en það eru Halldórsstaðir, Ytra-Skörðugil, Syðra-Skörðugil, Holtskot og Geldingaholt. Hver liðstjóra mætti fá einhverja fjóra til liðs við sig og þeir mættu vera hvaðan af landinu sem væri. Síðan var leitað til listamannsins Guðmundar Hermannsonar, þá kennara við Varmahlíðarskóla og bónda á Fjalli um að gera verðlaunagrip, svo kallað Dúddabein.
„Það er margs að minnast frá þessum mótum, eitt árið var til dæmis Þórólfur svo slæmur í bakinu að hann gat ekki setið í bílnum en lá aftur í og hlustaði á taktinn í hófaslögunum og gaf einkunn eftir því. Einu sinni man ég að Ingimar á Ytra var hundfúll eftir mótið og sagðist aldrei kom til með að vinna þetta mót ef hann væri með þessa tengdasyni sína í liðinu, en sem betur fer tók hann þá aftur í sátt,“ sagði Ásdís, aðspurð um skemmtilegar minningar frá fyrri mótum.
Fleiri fréttir
-
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.