Námsferð um norðurslóðir
Hópur ungmenna komu við í Skagafirði þann 26. júlí síðastliðinn í námsferð um norðurslóðir sem kallast „Students on Ice“. Um er að ræða 65 ungmenni frá ýmsum löndum á aldrinum 14-18 ára sem flugu frá Toronto í Kanada til Íslands og sigla svo áfram til Grænlands, Labrador, sem er á austurstönd Kanada og Nunavik, nyrsta hluta Kanada.
Teymi 40 sérfræðinga munu ferðast með ungmennunum til að miðla þeim ýmsum fróðleik, þar á meðal eru vísindamenn, sagnfræðingar, listamenn og fleiri. Í ferðinni heimsækja þau samfélög sem á svæðunum búa og áhersla verður lögð á að kynnast því fjölbreytta dýralífi sem norðlægar slóðir hafa upp á að bjóða, skoða fornminjastaði og náttúru.
Tilgangurinn er að fræða komandi kynslóð um þennan heimshluta og að hvetja ungmennin til að vera meðvituð um þann vanda sem hann stendur frammi fyrir með bráðnun jökulbreiðanna á Grænlandi og að ræða mögulegar lausnir á þeim vanda.
Á Íslandi slóst Kristín Kolka, 16 ára stúlka frá Hólum, með í för. Hún hitti hópinn í Reykjavík og fór með þeim að heimsækja ýmsa staði. Þar á meðal Bláa lónið, Víkingasafnið í Keflavík, Selasetrið á Hvammstanga og skoðuðu þau Grábrókargíg í Borgarfirði. Einnig heimsóttu forsetann á Bessastaði og þóttu þeim mikið til hans koma.
Ari Trausti Guðmundsson jarðfræðingur var einn af þeim sérfræðingum sem fylgdi hópnum um Ísland þar sem hann jós úr viskubrunni sínum og vakti mikla hrifningu ungmennana. Hópurinn hóf siglingu sína um norðurhöf frá Siglufirði miðvikudaginn 27. júlí.
Kristín hefur í hyggju að rita ferðasögu sína og að birta hana í Feyki eftir að ævintýraferðinni lýkur þann 7. ágúst. Þeir sem vilja fylgjast með ferðalagi ungmennana geta lesið bloggfærslur þeirra á vefslóðinni: http://studentsonice.com/arctic2011/daily.html
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
