Nú er fokið í skjólin flest
feykir.is
Hr. Hundfúll
09.10.2011
kl. 18.47
Herra Hundfúll, sem jafnan er erfitt að gleðja, er óskaplega ánægður með að Feykir skuli uppfylla þarfir hans varðandi slúður um fína og fræga fólkið í útlöndum. Um það má lesa í Gagnslausa horninu.
Af þessu tilefni klambraði Hundfúll saman tveimur vísustubbum sem vonandi misbjóða brageyrum bögugerðarmanna og -kvenna.
Nú er fokið í skjólin flest!
Í Feyki var þetta kornið
sem mælirinn góða fyllti mest.
Ég meina Gagnslausa hornið.
Um Hollywood leppa og lúða
les ég í horninu og sé
Schwarzenegger og sílikonpúða
Sharonar Osborne - óje.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.