„Nú látum við verkin tala“
Á degi Rótarý, sem er næstkomandi laugardag, mun Rótarýklúbbur Skagafjarðar blása til fundar þar sem ræddar verða hugmyndir að átaksverkefni varðandi uppbyggingu útivistarsvæðis í Litla-Skógi á Sauðárkróki.
„Þetta er samfélagsverkefni sem Rótarýklúbburinn tók að sér og þetta er í rauninni verkefni sem er búið að vera í umræðunni í mörg ár innan sveitarfélagsins. Hinir ýmsir hópar hafa komið saman í gegnum árin og langað til að gera eitthvað fyrir þetta svæði. Þetta er dásamlegt svæði sem við eigum þarna, nánast inni í miðjum bænum,“ sagði Magnús Barðdal, Rótarýmaður, í samtali við Feyki í gær. „Núna ætlum við í Rótarýklúbbnum að láta verkin tala. Hugmyndin er sú að kynna verkefnið á laugardaginn, fara gönguferð um gamla bæinn og bjóða upp á kaffi og kleinur á Kaffi Krók.“
Rótarý menn vilja fylkja liði um málefni Litla Skógar
Magnús segir hugmyndina vera að efna til hönnunarsamkeppni um svæðið og veita vegleg verðlaun fyrir bestu tillöguna. „Það sem við sjáum fyrir okkur er að vinna þetta með sveitarfélaginu og fyrirtækjunum hérna í bænum og einstaklingum. Hugsun okkar er sú að fá alla þessa klúbba sem eru starfræktir hér á svæðinu til að taka þátt í þessu með okkur.“
Magnús vonast til að hægt verði að setja hönnunarkeppnina fljótlega í gang, en væntingar eru um að sem flestir teikni upp hugmyndir að svæðinu og síðan verði besta tillagan valin. „Á vordögum ætlum við að byrja að vinna eftir þessum tillögum og hugmyndin er sú að hafa ákveðnar vinnuhelgar þar sem við hvetjum alla bæjarbúa til að koma og taka til hendinni, með vinnuhanskana og ruslapokana,“ sagði Magnús ennfremur. „Við hvetjum alla sem hafa minnsta áhuga á þessu verkefni að koma þarna og hlusta á það sem við höfum fram að færa og koma með einhverjar tillögur og hugmyndir,“ sagði Magnús að lokum.
Fleiri fréttir
-
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira -
Rekstur Húnabyggðar skilaði 210 milljóna afgangi
feykir.is Austur-Húnavatnssýsla, Lokað efni 29.05.2025 kl. 19.50Rekstur Húnabyggðar gekk vonum framar á síðasta ári og samkvæmt ársreikningi 2024 varð rekstrarniðurstaðan jákvæð um rúmlega 210 milljónir króna. Eigið fé í lok árs 2024 nam 1,5 milljarði. Í frétt á Húnahorninu segir að rekstrartekjur sveitarfélagsins í fyrra námu rúmum 2,9 milljörðum og þar af voru skatttekjur tæpir 1,3 milljarðar. Rekstrargjöld námu um 2,4 milljörðum og þar af voru laun og launatengd gjöld um 1,4 milljarður. Afskriftir námu 149 milljónum og fjármagnsgjöld tæpum 180 milljónum. Niðurstaðan er 184 milljónum betri en áætlun gerði ráð fyrir.Meira -
161 nemandi brautskráðist frá FNV í gær
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 29.05.2025 kl. 10.31Fjölbrautaskóla Norðurlands vestra var slitið við hátiðlega athöfn miðvikudaginn 28. maí. Frá skólanum brautskráðust 161 nemandi af öllum brautum skólans. Ingileif Oddsdóttir, skólameistari, og Þorkell V. Þorsteinsson, aðstoðarskólameistari, stýrðu athöfninni. Þau sérstöku tímamót verða við skólann að loknu þessu skólaári að þrír stjórnenda skólans; Ingileif skólameistari, Keli aðstoðarskólameistari og Kristján Bjarni Halldórsson áfangastjóri, láta af störfum.Meira -
Sjómenn til hamingju! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.05.2025 kl. 10.29Sjómenn Íslands fyrr og nú eiga heiður skilinn fyrir framlag sitt til íslensks samfélags. Það þarf sterk bein til að sækja sjó því það er ekki alltaf logn og blíða og veður geta oft verið válynd og æðruleysi og dugnaður hefur einkennt íslenska sjómannastétt.Meira -
Rannsóknir efldar á vatnasviði Blöndu
feykir.is Austur-Húnavatnssýsla, Lokað efni 29.05.2025 kl. 10.18Landsvirkjun og Veiðifélag Svartár og Blöndu komust í vetur að samkomulagi um kostun Landsvirkjunar á vöktun seiðastofna í báðum ám. Í frétt Húnahornsins segir að Landsvirkjun muni einnig kosta úttekt Hafrannsóknastofnunar á ástandi laxastofnsins í Blöndu. Þá er fyrirhuguð rannsókn á fiskstofnum í bergvatnsánum uppi á Auðkúluheiði og Eyvindarstaðaheiði sem falla til Blöndulóns.Meira
