Ný ásýnd Byggðastofnunar
Ásýnd Byggðastofnunar tók breytingum nú um áramótin þegar nýtt merki stofnunarinnar var tekið í notkun. Hugmynda- og þróunarvinna vegna nýrrar ásýndar hófst í byrjun síðasta árs og var unnin í samvinnu við auglýsingastofuna Hvíta húsið.
Í upphafi var lögð áhersla á að merkið væri táknrænt fyrir fjölbreytta starfsemi stofnunarinnar. Grunnur nýja merkisins er sólarupprásin, rétt eins og í því eldra. Mislangir geislar sólarinnar vísa til uppbyggingar og/eða vaxtar sprotafyrirtækja sem eru mislangt á veg komin á þróunarbraut sinni. Merkið vísar einnig lauslega í útlínur Íslands. Litur sólarinnar við sólarupprás er aðallitur merkisins.
Til eru nokkur litbrigði af merkinu til notkunar við mismunandi aðstæður og tilefni. Guðmundur Bernharð Flosason, grafískur hönnuður hjá Hvíta húsinu, er höfundur merkisins. Nýja merkið tekur við af merki Tómasar Jónssonar, grafísks hönnuðar, sem hefur fylgt Byggðastofnun frá upphafi. Það hefur þjónað stofnuninni vel til þessa.
Byggðastofnun var komið á fót sem sjálfstæðri ríkisstofnun með lögum nr. 64/1985 og heyrði hún í upphafi undir forsætisráðherra. Stofnunin, sem verður 28 ára á þessu ári, tók yfir eignir og skuldbindingar Byggðasjóðs. Byggðastofnun hefur starfað nánast óbreytt frá upphafi en með lögum nr. 106/1999 var þó ýmsum þáttum í starfseminni breytt. Þá var Byggðastofnun flutt undir iðnaðarráðherra (nú atvinnuvega- og nýsköpunarráðherra), og í stað þingkjörinnar stjórnar er stjórnin nú skipuð af ráðherra. Einnig er lögð meiri áhersla á rannsóknarhlutverk Byggðastofnunar á sviði byggða- og atvinnuþróunar en áður var.
Árið 1998 tók þróunarsvið stofnunarinnar til starfa á Sauðárkróki. Þá hófst flutningur starfseminnar sem lauk í júlí 2001 þegar öll starfsemin í Reykjavík var flutt á Sauðárkrók. Byggðastofnun hefur verið til húsa að Ártorgi 1 frá því um vorið 2002.
Frá þessu er sagt á heimasíðu Byggðastofnunar.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
