Ný Skagfirðingabók er komin út
Ný Skagfirðingabók er komin út og er um að ræða 35. hefti en samkvæmt heimasíðu Sögufélags Skagfirðinga er efni bókarinnar fjölbreytt og ríkulega myndskeytt.
Fyrsta grein blaðsins eru æviminningar Valgerðar Guðrúnar Sveinsdóttur frá Felli í Sléttuhlíð. Anna Dóra Antonsdóttir skyggnist til siðskiptaaldar í greininni Af Þórunni Jónsdóttur og Hrafni Brandssyni. Jón R. Hjálmarsson rifjar upp áhættusamar siglingar yfir Atlantshaf á stríðsárunum.
„Þá kemur áhugavert viðtal Hjalta Pálssonar við dr. Jakob Benediktsson frá Fjalli í Sæmundarhlíð. Ólafur Björn Guðmundsson frá Tungu í Gönguskörðum rifjar upp minningabrot frá bernskutíð, og Halldór Ármann Sigurðsson kemur á framfæri leiðréttingum við grein sína um Guðrúnu Ólafsdóttur á Bjarnastöðum í Unadal, sem birtist í 24. hefti Skagfirðingabókar,“ segir um efni bókarinnar á heimasíðunni.
Þá kemur athyglisverð gáta eftir Sigurð Jónsson í Hróarsdal. Guðbrandur Þorkell Guðbrandsson og Hjalti Pálsson rekja sögu af sleða, sem gegndi margvíslegu hlutverki fyrir Skagfirðinga og Sæbjörg Freyja Gísladóttir fjallar um þjóðsagnasöfnun Jóns Árnasonar í grein sinni skilgetnar dætur þjóðarandans. Loks segir Hjalti Pálsson frá strandi flutningaskipsins Tejo við Almenningsnef í Fljótum 1899.
Bókin kostar kr. 5600,- og er hægt að panta hana með því að hringja í síma 453-6640 eða senda tölvupóst á netfangið saga@skagafjordur.is .
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
