Unglingalandsmótið fram undan, tjaldað á morgun
Skráning á Unglingalandsmót UMFÍ er í fullum gangi en nú er tæp vika í að mótið hefjist. Opið verður fyrir skráningu keppenda til miðnættis sunnudagskvöldið 26. júlí. Yfirgripsmikill undirbúningur fylgir móti eins og þessu og því reynir mikið á öflugan hóp sjálfboðaliða.
Nú er óskað eftir aðstoð við að setja upp tvö stór tjöld klukkan 10:00 á morgun, laugardaginn 25. júlí. Fulltrúar björgunarsveitarinnar munu stýra vinnunni en tjöldin verða reist á grasflötinni á milli íþróttahússins og gervigrasvallarins.
Stóra partítjaldið hefur í gegnum tíðina verið í miklu uppáhaldi hjá mótsgestum, en þar fer fram fjölbreytt og skemmtileg dagskrá alla helgina. Frábært tónlistarfólk mætir í tjaldið á hverju ári og því er lykilatriði að koma því upp með aðstoð góðra sjálfboðaliða – sem Skagfirðingar eru þekktir fyrir að eiga mikið af.
Skráning keppenda fer fram í gegnum Abler-appið og má finna nánari upplýsingar hér.
Kristín Einarsdóttir mun ganga um gamla bæ Sauðárkróks frá kl. 13:00-14:00 á laugardaginn, 1. ágúst. Hún ætlar að segja skemmtilegar sögur af fólki og húsum í gamla bænum. Gengið er af stað frá sundlauginni og öll eru velkomin að kostnaðarlausu.
Fólk er hvatt til þess að skella sér með í gönguna og taka sem mestan þátt á Unglingalandsmótinu.
Fleiri fréttir
-
Umhverfisverðlaun Húnabyggðar afhent á Húnavöku
feykir.is Austur-Húnavatnssýsla, Mannlíf 24.07.2026 kl. 15.47Umhverfisverðlaun Húnabyggðar voru afhent á Húnavöku, þar sem Erla Jónsdóttir, formaður Umhverfisnefndar Húnabyggðar, afhenti verðlaunin. Fram kemur í frétt á síðu Húnabyggðar að í ávarpi sínu lagði Erla áherslu á að umhverfið væri sameiginleg auðlind og sameiginleg ábyrgð. Þó sveitarfélagið gegni mikilvægu hlutverki í að hlúa að umhverfinu byggist góður árangur einnig á frumkvæði, eldmóði og ábyrgð einstaklinga, fyrirtækja, stofnana og félagasamtaka.Meira -
Aflraunakappar keppa á Blönduósi á laugardagsmorgni
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 24.07.2026 kl. 15.41Aflraunakeppni milli sterkustu manna landsins, Víkingurinn, fer fram dagana 24.-26. júlí 2026 og fara tvær keppnisgreinar fram í Húnabyggð. Víkingurinn er framhald Vestfjarðavíkingsins sem haldinn hafði verið til fjölda ára í umsjá Magnúsar Ver Manússonar.Meira -
Mæðgur í myndlist
feykir.is Skagafjörður, Listir og menning, Lokað efni 24.07.2026 kl. 15.36Laugardaginn 27. júní var myndlistarsýningin Sleppa opnuð í hAughúsi í Héraðsdal í Skagafirði. Sýningin, sem stendur til 9. ágúst 2026, varpar ljósi á mæðgnatengsl og kynslóðabil með verkum 15 myndlistakvenna sem jafnframt mynda sjö mæðgnapör. Verkin snúast meðal annars um að sleppa tökunum og leyfa hlutunum að þróast á eigin forsendum. Markmið verkefnisins er að efla aðgengi almennings að samtímalist og laða bæði heimafólk og ferðamenn að menningarlífi Skagafjarðar yfir sumarið. Opið er í hAughúsi frá kl. 13:00–18:00, föstudaga, laugardaga og sunnudaga.Meira -
Vinnslutillaga fyrir Byggðasafn Skagfirðinga í Glaumbæ auglýst
feykir.is Skagafjörður 24.07.2026 kl. 11.59Byggðaráð Skagafjarðar í umboði sveitarstjórnar samþykkti á 202. fundi sínum þann 16. júlí 2026 að auglýsa vinnslutillögu fyrir "Byggðasafn Skagfirðinga í Glaumbæ" skv. 40 gr. skipulagslaga nr. 123/2010. Vinnslutillaga skipulags fyrir Glaumbæ er sett fram á skipulagsuppdrætti ástamt greinargerð. Tilgangur skipulagsins er að setja skilmála um framtíðaruppbyggingu áMeira
