Nýsköpunarmiðstöð dregur sig út úr rekstri Fab Lab á Sauðárkróki
Aðkoma Nýsköpunarmiðstöðvar Íslands að Fab Lab smiðjunni á Sauðárkróki mun breytast næsta haust að því leyti að greiða ekki laun verkefnisstjóra eins og verið hefur frá stofnun smiðjunnar. Óvíst er hvað tekur við en vonast er til að ásættanleg lausn finnist í tíma. Karítas Sigurbjörg Björnsdóttir, verkefnisstjóri, segir í Feykisviðtali vikunnar að ákjósanlegasti kosturinn væri að samfélagið myndi sjá sér hag í því að hafa Fab Lab í þeirri mynd sem það er í dag og leggja í púkk þar sem margt smátt gerir eitt stórt.
Karítas sér fyrir sér að hægt væri að halda uppi starfsmanni og reka smiðjuna með sóma þannig að samfélagið njóti góðs af. „Það sem er að breytast er að Nýsköpunarmiðstöð Íslands hefur þá stefnu að þegar Fab Lab hefur komið sér vel fyrir í samfélaginu líkt og hér, þá draga þeir starfsmanninn til baka og gera í raun ráð fyrir því að samfélagið velji sjálft hvort það vilji hafa starfsmann og hvernig þeir vilja þá haga rekstrinum. Á meðan er stutt við hann með því að stuðla að endurmenntun og samtengingu við aðrar Fab Lab smiðjur og greiða þann farveg. En hvernig starfsmannahaldi er háttað er sett í hendur samfélagsins og við erum komin þangað núna,“ segir Karítas en samningurinn sem er í gildi rennur út þann 1. ágúst nk. og staðan sú að samfélagið þarf, í samræmi við Nýsköpunarmiðstöð, að taka ákvörðun um framhaldið. „Hvað viljum við gera og hvernig viljum við hafa þetta og hvað viljum við fá út úr því? Það hefur verið dálítið brösótt að fá alla aðila til að hittast og halda aðalfund til að taka ákvörðun um þessi mál en vonandi fer það að skýrast.“
Ertu bjartsýn á að það takist?
„Já, ég er það. Ég er bjartsýn á að það komist á sátt og samkomulag um að hafa Fab Lab áfram í Skagafirði og best væri ef við gætum tengt það við allt Norðurland vestra.“ Þar sér Karítas m.a. tækifæri fyrir Þekkingarsetrið á Blönduósi sem vinnur í því að koma nýsköpun inn í textíliðnað en þar hefur verið mikil framþróun, m.a. með rafbúnaði og lífrænum textíl. „Að hafa samstarf þar á milli og ekki síður með Gestastofu sútarans, sem er með frábært hráefni. Þetta er ákveðin framtíðarsýn sem er mjög spennandi,“ segir Karítas.
Tengdar fréttir:
FAB LAB formlega opnað á morgun
FabLab á Feyki-TV
Fleiri fréttir
-
Fermist í upphlut
feykir.is Skagafjörður, Lokað efni 27.04.2025 kl. 10.00Bergrún Lauga Þórarinsdóttir fermist í Reykjakirkju þann 14. júní. Sr. Halla Rut Stefánsdóttir fermir stúlkuna en foreldrar hennar eru Sigrún Helga Indriðadóttir og Þórarinn Guðni Sverrisson á Stórhóli í Lýtingstaðahreppi.Meira -
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.