Opið hús hjá Kanínu á Syðri-Kárastöðum
Síðastliðinn laugardag opnaði Kanína ehf. húsakynni sín að Syðri-Kárastöðum í Húnaþingi vestra þar sem Birgit Kositzke er með kanínurækt. Gestum og gangandi gafst tækifæri á að skoða sig um og kynnast ræktuninni og í austurendanum var markaðsstemmning.
Þar sá Kvenfélagið Freyja um kaffi og kleinur, hægt var að gera kaup á ýmiskonar smávöru, kanínuskinni, uppskriftabæklingi fyrir kanínukjöt og smakka kanínupottrétt. Allt þetta á meðan leikið var á heimagerðan lírukassa, eins og greint er frá á Norðanátt.is.
Birgit áætlar að a.m.k. 200 manns hafi lagt leið sína í opna húsið á laugardaginn og er mjög ánægð með hvernig til tókst. Hún segist sérstaklega ánægð með heimsóknir heimafólks og segist finna fyrir áhuga á ræktuninni, það sé mikill áhugi á nýrri og innlendri vöru sem þessari. Þá segir hún nokkra bændur hafa verið áhugasama um að hefja kanínurækt til manneldis. Í dag er Birgit með um 400 kanínur.
Það þarf gott skipulag í kringum kanínuræktunina og hvað varðar sölu kjötsins þarf að skipuleggja í það minnsta fimm mánuði fram í tímann. Birgit er þó mjög bjartsýn á framhaldið í ræktuninni. "Allt fer vel af stað núna og ég vona að í lok sumars/byrjun hausts verði ég farin að selja kanínukjöt reglubundið í verslanir og veitingahús svo það verði auðveldara að skipuleggja ræktunina", segir Birgit í samtali við Norðanátt.is.
Í dag er hægt að nálgast kanínukjötið í Kaupfélagi Vestur-Húnvetninga á Hvammstanga, hægt að panta í gegnum verslunina Frú Lauga í Reykjavík og Birgit segir að bráðum verði hægt að versla kjötið í nýrri verslun í Reykjavík, Matarbúrið, sem opnar á næstunni. Auk þess er kanínukjötið frá Birgit á matseðli veitingastaðarins Sjávarborg á Hvammstanga og veitingastaðnum Kolabrautin í Reykjavík.
Fleiri fréttir
-
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira -
Taiwo beit á Krókinn á ný
feykir.is Skagafjörður, Íþróttir, Lokað efni 07.06.2025 kl. 14.08Það stefnir í alvöru hvítasunnuhelgi hjá stuðningsmönnum Tindastóls í körfunni. Í gær var Arnar Guðjónsson kynntur til sögunnar sem næsti þjálfari meistaraflokks karla og í morgun laumaði körfuknattleiksdeild Tindastóls út í kosmósið myndbandi þar sem Taiwo okkar Badmus tilkynnir endurkomu sína á Krókinn.Meira -
„Ungt fólk sjálfstæðara og ákveðnara en áður“
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 07.06.2025 kl. 13.17Eins og fram hefur komið þá láta nú af störfum þrír máttarstólpar Fjölbrautaskóla Norðurlands vestra og þar með talinn skólameistarinn sjálfur. Ingileif Oddsdóttir tók við starfi skólameistara af Jóni F. Hjartarsyni árið 2011 en þau tvö eru ein um að hafa gegnt þessari stöðu í 46 ára sögu skólans sem er auðvitað magnað í sjálfu sér. Feykir lagði nokkrar spurningar fyrir Ingileif.Meira -
Þrír hressir hundar á heimili Gunndísar | Ég og gæludýrið mitt
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Ég og gæludýrið mitt 07.06.2025 kl. 13.03Í þessum gæludýraþætti ætlum við að fara yfir á Skagaströnd en þar býr Gunndís Katla Þrastardóttir og fjölskyldan hennar. Gunndís er á þrettánda ári og er dóttir Vigdísar Elvu Þorgeirsdóttur, kennara í Höfðaskóla, og Þrastar Árnasonar, sjómanns á Drangey SK-2. Hún á einnig eina systur og tvo bræður. Það má svo ekki gleyma öllum loðdýrunum á heimilinu en þau eiga þrjá hunda, Óm, Dreka og Brúnó. Feyki langaði að forvitnast aðeins um gæludýrin hennar Gunndísar og sendi henni nokkrar spurningar.Meira
