Opið hús í Iðju í dag í tilefni alþjóðadags fatlaðra
Alþjóðadagur fatlaðra var í gær þann 3. desember. Dagurinn, sem var fyrst haldinn af Sameinuðu þjóðunum árið 1992, er haldinn til stuðnings við réttindi fatlaðs fólks í heiminum. Talið er að einn af hverjum sjö eigi við einhvers konar fötlun að glíma á lífsleiðinni. Á Íslandi má reikna með að milli fjögur- og fimmþúsund manns falli undir þann hóp.
Í tilefni dagsins verður opið hús í Iðju við Sæmundarhlíð í dag, mánudaginn 4. desember, frá kl 10-15. Klukkan 14 kemur góður gestur í heimsókn og í boði verður jólate ,,iðjusamra'' ásamt meðlæti. Þjónustuþegar og starfsfólk Iðjunnar bjóða alla velkomna í heimsókn.
Í Fréttablaðinu í dag er viðtal við Þuríði Hörpu Sigurðardóttur, formann Öryrkjabandalagsins en í dag veitir Öryrkjabandalagið Hvatningarverðlaun sín í ellefta sinn. „Við höfum reynt að halda pínulítið upp á daginn, og eins með Hvatningarverðlaunin þá notum við þau til að vekja athygli á góðum verkum í samfélaginu okkar og þeim fyrirtækjum sem hafa lagt eitthvað gott til málanna. Þau eiga að efla frumkvæði til nýrra verkefna og hugmyndavinnu í málaflokknum og skapa jákvæða ímynd fyrir fatlað fólk. Þau eiga að vera hvatning til að gera enn betur í samfélaginu og endurspegla okkar einkunnarorð, eitt samfélag fyrir alla,“ segir Þuríður Harpa í viðtalinu.
Þuríður segir daginn einnig notaðan til að varpa ljósi á kjör fatlaðs fólks í samfélaginu og nefnir sem daæmi baráttu fatlaðra fyrir NPA og lögfestingu á samningi Sameinuðu þjóðanna um réttindi fatlaðs fólks. Viðtalið við Þuríði má nálgast hér.
Fleiri fréttir
-
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira -
Tengiráðgjafi ráðinn í Húnaþingi vestra
feykir.is Vestur-Húnavatnssýsla, Lokað efni 02.05.2025 kl. 12.00Húnaþing vestra tók þátt í spennandi tilraunaverkefni með ráðningu tengiráðgjafa og er það Elísabet Eir Steinbjörnsdóttir sem er starfandi tengiráðgjafi Húnaþings vestra og vinnur hún einnig að verkefninu Gott að eldast í samstarfi við Heilbrigðisstofnun Vesturlands.Meira -
Fjáröflun - bílaþvottur
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2025 kl. 11.40Er þetta ekki eitt af því leiðinlegasta sem að maður gerir sjálfur, að tjöruhreinsa og þrífa bílinn að utan... er þá ekki tilvalið að nýta sér þessa flottu fjáröflun sem Barna og unglingaráðið í knattspyrnudeildinni ætlar að bjóða upp á föstudaginn 8. maí. Pantanir fara fram í gegnum þannan lin hér eða með tölvupósti á e-mailið fotbolti.unglingarad@tindastoll.isMeira -
Uppbygging við Staðarbjargavík fékk ríflega 60 milljón króna styrk
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 02.05.2025 kl. 09.15Hanna Katrín Friðriksson atvinnuvegaráðherra úthlutaði í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum. Heildarúthlutun er 553,2 milljónir króna og dreifast verkefnin um land allt. Næsthæsti styrkurinn, rúmar 60 milljónir króna, fer til uppbyggingar við Staðarbjargavík fyrir neðan sundlaugina góðu á Hofsósi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.