Opið hús í Oddfellowhúsinu á Sauðárkróki á laugardaginn
Laugardaginn 26. apríl milli kl. 14 og 16 verður opið hús í Oddfellowhúsinu að Víðigrund 5 á Sauðárkróki. Þar verður hægt að skoða húsakynnin og þiggja léttar veitingar ásamt því að hægt verður að kynnast starfi Oddfellowreglunar.
Fyrsta Oddfellowstúkan á Íslandi var stofnuð 1897. Í dag eru stúkurnar alls 49, 28 bræðrastúkur og 21 Rebekkustúka víðsvegar um landið. Á Sauðárkróki er sitthvor stúkan, bræðrastúkan Sif og Rebekkustúkan Eir.
Stúkurnar halda reglulega fundi yfir vetrartímann en utan funda er stundað félagsstarf sem er mismunandi á milli stúkna.
Oddfellowreglan er í grunninn líknarfélag. Einkunnarorð hennar eru vinátta, kærleikur og sannleikur. Á hverju ári styrkja stúkurnar á Íslandi hin ýmsu líknarmál á sínu starfssvæði í heildina um tugi milljóna ásamt því að Styrktar- og líknarsjóður Oddfellowa sem er sameiginlegur sjóður hefur veitt myndarleg framlög til líknarmála.
Við hvetjum því fólk til að kíkja í heimsókn á laugardaginn og kynnast starfi stúknanna á Sauðárkróki.
Fleiri fréttir
-
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira -
Ertu búin/n að pússa golfkylfurnar?
feykir.is Skagafjörður, Íþróttir 25.04.2025 kl. 15.17Það voru gleðitíðindi tilkynnt á Facebook-síðu Golfklúbbs Skagafjarðar í hádeginu í dag þegar Hlynur Freyr Einarsson auglýsti að búið væri að setja upp flöggin góðu á fyrstu fimm flatir vallarins.Meira -
Fögnum vori, sumri og sól
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2025 kl. 15.14Kvennakórinn Sóldís í Skagafirði tekur á móti Freyjukórnum í Borgarfirði á morgun laugardag 26.apríl og saman ætla kórarnir að halda saman tónleika í Miðgarði, kl.16:00Meira -
Leikdagur í dag
feykir.is Skagafjörður, Íþróttir 25.04.2025 kl. 14.47Það er ekki seinna vænna en að óska öllum gleðilegs sumars í leiðinni og við tilkynnum ykkur að það er leikdagur í dag, svona ef þið vissuð það ekki. En Sigríður Inga Viggósdóttir er alltaf með puttann á púlsinum varðandi dagskrá á leikdegi og leyfum við henni að fljóta með þessari tilkynningu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.