Stólastúlkur komnar upp!
Nú rétt í þessu lauk leik Völsungs og Tindastóls í Lengjudeild kvenna en leikið var á Húsavík. Ljóst var fyrir leikinn að sigur var allt sem þurfti til að tryggja sæti í Pepsi Max-deildinni að ári. Sigurinn var öruggur þrátt fyrir að stelpurnar hafi ekki átt sinn besta leik. Lokatölur 0-4 og ekkert annað að gera en að óska þessum frábæru stúlkum hjartanlega til hamingju – þær hafa gert Skagfirðinga nær og fjær stolta!
Eftirvæntingin var víða mikil, margir spenntir að sjá leikinn sem var sýndur á YouTube-rás Völsungs. Þannig var til dæmis helsti stuðningsmaður Stólastúlkna í Mið-Ameríku sestur framan við tölvuna rúmlega klukkutíma fyrir leik.
Aðstæður voru kannski upp á marga fiska á Húsavík en það var sennilega algjört aukaatriði í dag. Nú snérist allt um að tryggja sigur í stærsta leik skagfirskrar knattspynusögu og þar með sæti í efstu deild. Jafnræði var með liðunum framan af en, svo maður setji rispuðu plötuna á enn og aftur, þá var vörn Tindastóls örugg og sóknir liðsins hættulegar. Eitt mark var skorað í fyrri hálfleik og fór vel á því að Bryndís Rut fyrirliði og varnarmaskína gerði það (loksins) eftir aukaspyrnu frá Jackie.
Í síðari hálfleik bætti Hugrún við öðru marki Tindastóls eftir að hafa fylgt eftir skoti frá Mur. Eftir þetta komst ró á leik gestanna og það var aðeins annað liðið líklegt að skora. Rakel Sjöfn gerði þriðja mark Tindastóls eftir góðan undirbúning Mur og það var síðan auðvitað Mur sem rak smiðshöggið á þessu veislu með týpísku Mur-marki, fékk stungu inn fyrir og komst fram fyrir varnarmann Völsungs, inn á teig og þrumaði í markið úr þröngu færi.
Síðustu mínútur leiksins fóru helst í að skipta leikmönnum inn á og út af og þar á meðal kom Krista Sól inn á í fyrsta sinn síðan hún sleit krossbönd fyrir rúmu ári síðan og það gladdi stuðningsmenn. Þegar dómarinn flautaði loks leikinn af brutust út mikil fagnaðarlæti en hópur stuðningsmanna Tindastóls skellti sér á Húsavík í dag og samgladdist með Stólastúlkum í leikslok.
Liði Tindastóls var spáð þriðja sæti í deildinni á eftir liðum Keflavíkur og Hauka sem nú berjast um annað sætið í Lengjudeildinni. Eftir að Tindastóll tók Keflvíkinga í karphúsið um miðjan ágúst hefur liðið unnið alla sína leiki og ekki fengið á sig mark.. Ætla má að það séu um 600 mínútur síðan stelpurnar fengu síðast á sig mark en á sama tíma hefur liðið skorað 20 mörk. Það er ágæt tölfræði.
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.