Pílagrímaganga yfir Heljardalsheiði
Næstkomandi laugardag verður gengin pílagrímaganga yfir Heljardalsheiði, en gangan er hluti af dagskrá hinnar árlegu Hólahátíðar. Boðið verður upp á rútuferð frá Hólum að Atlastöðum kl. 7:00 um morguninn og gengið af stað þaðan um kl. 9:30. Gert er ráð fyrir að koma að Hólum um kl. 18:00. Fararstjóri er sr. Guðrún Eggertsdóttir en skráning er hjá sr. Gylfa Jónssyni á netfangið srgylfi@centrum.is og í síma 895-5550.
Eðli pílagrímaferða er að leita til helgra staða til að endurnæra líkama og sál, þær eru til andlegrar uppbyggingar og reyna á líkamann í leiðinni. Þó gengið sé í hóp gefst hverjum og einum tækifæri til að ganga í þögn, ganga með Guði, leyfa nærveru Guðs og kærleika að umvefja sig í kyrrðinni sem ríkir á fjallinu.
Leiðin yfir Heljardalsheiði er gömul þjóðleið milli Eyjafjarðar og Skagafjarðar. Þar göngum við í spor Guðmundar góða og allra þeirra annarra sem erindi áttu milli þessara byggðarlaga öldum saman.
Sem fyrr segir er boðið upp á rútuferð frá Hólum að Atlastöðum í Svarfaðardal kl. 7:00 um morguninn, en einnig er hægt að koma í hópinn við Atlastaði. Gert er ráð fyrir að ganga af stað frá Atlastöðum um kl 9:30.
Gengið er fram innsta hluta Svarfaðardals, upp brattar brekkur upp í skarð á háheiðinni, Heljardalsheiði. Síðan er farið niður mikinn bratta að Heljará sem þarf að vaða. Þaðan er fremur auðveld ganga niður í Kolbeinsdal og að Kolbeinsdalsá þar sem fólk verður ferjað yfir og keyrt að Grunnskólanum á Hólum. Síðasta spölinn er svo gengið til kirkju þar sem pílagrímar taka þátt í kvöldbænum kl. 18:00. Sundlaugin verður opin fyrir pílagríma eftir gönguna og svo verður kvöldverður á Hólum kl. 20:00.
Nauðsynlegt er að vera í góðum gönguskóm og helst vaðskóm, til að vaða Heljará og jafnvel fleiri ár. Þá þarf að vera vel búinn með nesti, hlýjan fatnað og regnfatnað.
Leiðin er í sjálfu sér ekki mjög erfið, að mestu er gengið á gömlum en illa förnum og talsvert grýttum vegarslóða. En gæta skal að því að takast þarf á við talsverða hækkum, um 500 metra, og langan göngutíma, eða um 7 klukkustundir. Reynt er að ganga á þægilegum hraða og halda hópinn á leiðinni.
Í tilkynningu frá skipuleggjendum er bent að að hver og einn göngumaður ber ábyrgð á sjálfum sér og sínu og ætti að huga að tryggingarmálum og öðru því sem vert er að gæta að. Með í för verður Eiríkur Arnarson björgunarsveitarmaður frá Hofsósi. Þegar komið er að Kolbeinsstaðará verða pílagrímar ferjaðir yfir ána og frá ferjustaðnum er gengið að Fjalli, gangnamannaskála. Þaðan gefst kostur á annað hvort að ganga heim að Hólum eða koma akandi heim að staðnum.
Fleiri fréttir
-
Jólatréssalan á Eyrinni komin í gang
feykir.is Skagafjörður 17.12.2025 kl. 16.36Jólatréssala körfuknattleiksdeilar Tindastóls fór í gang í dag og nú er ekkert annað í stöðunni en mæta á sama gamla góða staðinn á Eyrinni, hitta fyrir eldhressa körfuboltamenn og fara heim með jólin í skottinu – enda ekkert betra en ilmurinn af lifandi tré yfir jólin.Meira -
Stelpurnar fengu KR en strákarnir Snæfell
feykir.is Skagafjörður, Íþróttir, Lokað efni 17.12.2025 kl. 16.14Dregið var í átta liða úrslit VÍS bikarsins í körfuknattleik í hádeginu í dag. Tindastóll átti lið í pottunum báðum þar sem bæði karla- og kvennalið félagsins höfðu unnið leiki sína sl. sunnudag. Stelpurnar fengu heimaleik gegn spræku liði KR og þar verður væntanlega hart barist. Leið karlaliðsins í fjögurra liða úrslit ætti að vera nokkuð örugg þar sem Stólarnir fengu útileik gegn 1. deildar liði Snæfells.Meira -
Heimismenn sjálfir í aðalhlutverki
feykir.is Skagafjörður 17.12.2025 kl. 10.25Karlakórinn Heimir heldur sína árlegu áramótatónleika í Miðgarði þann 28. desember næstkomandi. Af því tilefni hafði blaðamaður samband við Atla Gunnar Arnórsson formann kórsins, til þess að forvitnast um tónleikana og starfsemi kórsins í haust og vetur.Meira -
Jólamót Molduxa haldið enn og aftur
feykir.is Skagafjörður, Íþróttir 17.12.2025 kl. 09.47Jólamót Molduxa verður haldið samkvæmt venju annan dag jóla en mótið er í hugum margra ómissandi þáttur í jólahefð Skagfirðinga. Samkvæmt bestu vitund talnagleggstu Molduxa er þetta mót það 32. sem haldið er.Meira -
Síðasti Feykir ársins 2025 kominn úr prentun
feykir.is Skagafjörður, Austur-Húnavatnssýsla, Vestur-Húnavatnssýsla 17.12.2025 kl. 09.40Þá er kominn út síðasti Feykir ársins 2025. Svokallað jólakveðjublað enda fullt af jólakveðjum og auglýsingum og sennilega hefur þetta síðasta blað fyrir jól aldrei verið stærra, heilar 36 síður. Að sjálfsögðu er blaðið stútfullt af áhugaverðum umfjöllunum og viðtölum. Blaðið fer í drefingu í dag en er þegar opið í rafrænni áskrift.Meira
