Rabb-a-babb 154: Halldór á Molastöðum
Nafn: Halldór Gunnar Hálfdansson.
Árgangur: 1974.
Fjölskylduhagir: Kvæntur sjö barna faðir, á von á því áttunda í desember.
Búseta: Molastaðir, Fljótum.
Hverra manna ertu og hvar upp alinn: Móðir mín heitir Edda Þorvarðardóttir , starfaði sem læknaritari, faðir Hálfdan Henrýsson stýrimaður og skipaskoðunarmaður. Forfeður voru líklega galdramenn og snærisþjófar á Hornströndum. Fæddur í Reykjavík, bjó í Breiðholti,dvaldi lengst hjá ömmu minni í 101.
Starf / nám: Bóndi og skólabílstjóri, búfræðingur frá Hvanneyri og næstum því kennari frá gamla Kennaraháskólanum (átti eina önn eftir).
Hvað er í deiglunni: Að halda haus.
Hvernig nemandi varstu? Áhugalaus og óþekkur. Þyrfti að fá einhvers konar greiningu sem fyrst.
Hvað er eftirminnilegast frá fermingardeginum? 3. apríl 1988 var allt á kafi í snjó í Reykjavík.Annars fannst mér áberandi hvað við fermingardrengirnir vorum litlir og óþroskaðir miðað við fermingarstúlkurnar.
Hvað ætlaðir þú að verða þegar þú yrðir stór? Lögfræðingur.
Hvað var uppáhalds leikfangið þitt þegar þú varst krakki? Fjarstýrður Toyota Hi-Lux.
Besti ilmurinn? Rakarinn minn á Siglufirð, Hrólfur Baldursson, selur karlmannlega rakspíra sem allir ilma vel.
Hvað varstu að hlusta á þegar þú fékkst bílprófið? Ég hlustaði mikið á The Doors.
Hvaða lag er líklegast að þú takir í Kareókí? Love Me Tender, Elvis style, annars eitthvað lag frá Las Vegas árum kóngsins.
Hverju missirðu helst ekki af í sjónvarpinu? Ég horfi nánast eingöngu á streymisveitur og er nú að horfa á aðra þáttaröð Stranger Things og Twin Peaks.
Besta bíómyndin? Apocalypse now eftir Coppola, margar frægar setningar þar.
Hvaða íþróttamanni hefurðu mestar mætur á? Æ ,eru þeir ekki allir að gera sitt bezta ?
Hvað gerir þú betur en allir aðrir á þínu heimili? Ég er húsbóndi á mínu heimili og ræð hvenær ég skúra.
Hvert er snilldarverkið þitt í eldhúsinu? Ég raða mjög vandlega í uppþvottavélina.
Hættulegasta helgarnammið? Kaldur IPA bjór.
Hvernig er eggið best? Án salmonellu.
Hvað fer mest í taugarnar á þér í fari þínu? Ég fæ góðar hugmyndir en kem engu í verk.
Hvað fer mest í taugarnar á þér í fari annarra? Nöldur og tuð.
Uppáhalds málsháttur eða tilvitnun? „Sjitt maður, sólin er farin“ – þetta sagði frændi minn þegar hann sofnaði í berjamó í Stíflurétt og vaknaði þegar farið var að dimma.
Hver er elsta minningin sem þú átt? Ferðalög um Vestfirði með fjölskyldunni og heimiliskettinum í Land Rover '68. Enginn í beltum.
Hvaða teiknimyndapersóna höfðar mest til þín? Kolbeinn kafteinn í Tinna bókunum. Breyskleiki hans höfðar til mín.
Hvaða fræga manneskja mundir þú helst vilja vera (og af hverju)? Mér finnst nógu flókið að vera ég.
Hver er uppáhalds bókin þín og/eða rithöfundur (og af hverju)? Það er enginn sérstök bók í uppáhaldi, ég hélt dálítið upp á Hallgrím Helgason þegar hann var fyndinn.
Orð eða frasi sem þú notar of mikið? „Kíki á þetta á morgun"
Hver var mikilvægasta persóna síðustu 100 ára að þínu mati? Þetta er allt bezta fólk.
Ef þú gætir farið til baka í tímann, hvert færirðu? Ég færi um Fljótin, Siglufjörð og Héðinsfjörð árið 1936. Ég held nefnilega að ég sé uppi á röngum tíma.
Hver væri titillinn á ævisögu þinni? Hvert fór tíminn ?
Framlenging:
Ef þú gætir hoppað upp í flugvél og réðir hvert hún færi, þá færirðu... til New York, New York, höfuðborgar heimsins.
Ef þú ættir að dvelja alein/n á eyðieyju, hvaða þrjá hluti tækirðu með þér? Ég þarf bara einn hlut og það er konan mín.
Nefndu eitthvað þrennt sem þér finnst þú mega til að gera áður en þú gefur upp öndina: Eignast fisflugvél, ferðast um með konunni minni Maríu og hitta skrýtið fólk.
Fleiri fréttir
-
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.