Ráðning framkvæmdastjóra sett í hendur nýrrar stjórnar
Stjórn Samtaka sveitarfélaga á Norðurlandi vestra hefur ákveðið að fela nýrri stjórn að ráða nýjan framkvæmdastjóra en ársþingið fer fram 16. – 17. október nk. Jón Óskar Pétursson, sem hafði tekið árs námsleyfi, sagði starfi sínu sem framkvæmdastjóri SSNV lausu fyrr í sumar. Katrín María Andrésdóttir, atvinnuráðgjafi hjá SSNV, leysti Jón af í leyfinu en hún lét af störfum í lok september.
Að sögn Bjarna Jónssonar formanns stjórnar SSNV var starfið auglýst laust til umsóknar þegar ljóst var að Jón Óskar snéri ekki aftur og rann umsóknarfrestur út þann 7. júlí sl. Þrettán umsóknir bárust um starfið, þrír drógu umsóknir sínar til baka og varð niðurstaðan að hinum umsóknunum var hafnað.
„Stjórn SSNV samþykkti að leitað yrði að einstaklingi til að gegna starfi framkvæmdastjóra samtakanna. Þrátt fyrir að viðræður hafi átt sér stað við mögulega kandídata í starfið leiddu þær ekki til þess að gengið væri til ráðningar á nýjum framkvæmdastjóra samtakanna,“ segir Bjarni í samtali við Feyki.
Í ljósi þess að nú styttist í aðalfund samtakanna segir Bjarni að ákveðið hafi verið að fela nýrri stjórn að ganga frá ráðningu á nýjum framkvæmdastjóra. Stjórn fól formanni SSNV að gegna starfsskyldum framkvæmdastjóra í október, fram yfir ársþing samtakanna.
Í útsendum drögum að fjárhagsáætlun fyrir næsta ár segir Bjarni núverandi stjórn leggja til töluverða sókn í atvinnumálum á Norðurlandi vestra þar sem hægt verður að bæta við tveimur atvinnuráðgjöfum frá því sem nú er og nýta til þess sterka fjárhagsstöðu samtakanna án þess að sveitarfélögin þurfi að leggja meira til þeirra.
„Ef það verður niðurstaða ársþings að fara þessa leið, kemur það í hlut nýrrar stjórnar að útfæra það og staðsetja nýjar stöður atvinnuráðgjafa en fyrir liggur að nokkru hvar þörfin er mest,“ segir Bjarni að lokum.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
