Rannsóknir Orkusölunnar í Fljótum - Fyrirhuga allt að 2 MW virkjun í Tungudal
Fyrir skömmu greindi Morgunblaðið frá því að Orkusalan, dótturfélag RARIK, vinni að rannsóknum vegna áforma um Tungudalsvirkjun í Fljótum en Orkustofnun gaf út rannsóknarleyfi fyrir um ári síðan. Greinin vakti töluverða athygli heimamanna og nokkrar umræður sköpuðust á Facebook-síðunni Við erum ættuð úr Fljótunum.
Óhætt er að segja að hugur þeirra sem þar skrifa stendur ekki með virkjunaráformum í Tungudal og væntanlega má gera ráð fyrir því að mótmælum verði hreyft af Fljótamönum enda telja þeir um óafturkræfar framkvæmdir verði að ræða.
Í umsóknargögnum Orkusölunnar til Orkustofnunar kemur fram að samkvæmt þeim athugunum sem þegar hafa farið fram virðist mega virkja 270-280 m fallhæð frá Tungudalsvatni að Stífluvatni. Gera mætti ráð fyrir miðlunarstíflu við útfall Tungudalsvatns og niðurgrafinni þrýstipípu að stöðvarhúsi nærri bæjarstæði Tungu. Tenging virkjunarinnar yrði með jarðstreng að Skeiðsfossvirkjun. Helstu rannsóknir sem eru fyrirhugaðar eru landmælingar, jarðfræðiathuganir, rennslismælingar og umhverfisathuganir, s.s. gróðurfar, lífríki Tungudalsár og Tungudalsvatns, fuglar, smádýr og fornleifar. Samhliða mun fara fram verkfræðiathugun á stíflu- og inntaksmannvirkjun, aðrennslispípu, stöðvarhúsi, aðkomuvegum, raf- og vélbúnaði og tengingu virkjunar. Að loknum rannsóknum á að liggja fyrir mat á hagkvæmni virkjunar sem er grundvöllur fyrir ákvörðun um næstu skref.
„Við erum þessi misserin að vinna að rennslismælingum og mun niðurstaða þeirra gefa okkur vísbendingar um framhaldið. Lítið sem ekkert rask verður við þær rannsóknir,“ segir Magnús Kristjánsson, framkvæmdastjóri Orkusölunnar. Aðspurður telur hann Tungudal henta vel frá náttúrunnar hendi í slíka framkvæmd en mat á áhrifum á náttúru Tungudals og næsta nágrennis liggur ekki fyrir á þessu stigi.
Óvíst er um stærð virkjunarinnar en lausleg áætlun gerir ráð fyrir 1-2 MW og orkan ætluð fyrir almennan markað Orkusölunnar. Til samanburðar segir Magnús Rjúkandavirkjun í Ólafsvík vera af sambærilegri stærð en inntakslón hennar sé þó minna.
Magnús segist ekki kannast við ugg hjá Fljótamönnum gagnvart verkefninu enda ekki fengið neinar athugasemdir frá þeim. „Orkusalan hefur ekki fengið erindi frá íbúum en við stefnum á að halda fund í Fljótunum á næstunni til kynningar á verkefninu.“
Hjá Sveitarfélaginu Skagafirði er lítið að frétta um fyrirhugaða virkjun enda ekkert erindi borist þangað enn. „Það hefur ekkert erindi komið inn á borð sveitarstjórnar og engar viðræður né nokkuð annað um leyfi til að fara í virkjunarframkvæmdir,“ segir Gísli Sigurðsson, varaformaður byggðarráðs.
Áður birst í 5. tbl. Feykis 2019
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
