Rekstur svf. Skagafjarðar þyngist umtalsvert í nýrri fjárhagsáætlun
Endurskoðuð fjárhagsáætlun svf. Skagafjarðar var kynnt á fundi sveitarstjórnar í gær og leiða þær breytingar sem gerðar voru til hækkunar rekstrarliða A-hluta fjárhagsáætlunar um 93.350.000 kr. og B-hluta um 10.600.000 kr., samtals 103.950.000 kr. Tap samstæðunnar í heild verður því 162.950.000 kr. í stað 59.000.000 kr. í fyrri áætlun.
Fjárfestingarliðir hækka um 44.305.000 kr. Fjárfesting ársins verður þá kr. 157.505.000 kr. nettó í A og B hluta. Lánsfjárþörf hækkar um 85 milljónir króna frá fyrri áætlun og verður samtals 246.000.000 kr.
Á fundinum tók Jón Magnússon Sjálfstæðisflokki til máls og lagði fram bókun þar sem hann lýsir áhyggjum sínum með áframhaldandi skuldasöfnun sveitarfélagsins. Telur hann m.t.t. rauntalna yfir rekstur sveitarfélagsins fyrstu átta mánuði ársins, sýna rekstrarhalla er nemur 159 milljónum króna, og við blasi að hallarekstur ársins verður jafnvel enn meiri en gert er ráð fyrir í þessari endurskoðuðu áætlun. Þá sagði Jón að Sjálfstæðismenn lýsi enn á ný yfir þungum áhyggjum af getuleysi meirihlutans við að ná tökum á fjármálum sveitarfélagsins.
Sigurjón Þórðarson fulltrúi Frjálslyndra og óháðra tók einnig til máls og lagði fram bókun þar sem hann segist álíta það sérkennileg vinnubrögð að endurskoðuð sé áætlun fyrir árið 2011, nú í lok október þegar einungis rúmir tveir mánuðir eru eftir af árinu. „Það að gera áætlun um hið liðna er ekki til mikils gagns“, sagði hann og telur ekki er heimild til fyrir slíkum vinnubrögðum í nýjum Sveitarstjórnarlögum sem taka gildi næstu áramót.“Miklu nær væri að einbeita sér að aðgerðum sem geta orðið til þess að endar nái saman í rekstri sveitarfélagsins.“
Í bókun Stefáns Vagns Stefánssonar Framsóknarflokki kemur fram að hagnaður af rekstri samstæðunnar fyrir afskriftir og fjármagnsliði séu 339 millj. króna. Afskriftir upp á 179 millj.króna og fjármagnsgjöld umfram fjármunatekjur séu alls 323 millj. króna, sem hækka á milli ára um 153 millj. króna og skýri þann taprekstur sem endurskoðuð áætlun sýnir. „Verðbólga og veik staða íslensku krónunnar hafa þessi áhrif, en ef verðbólguspá Seðlabanka Íslands hefði staðist, væri niðurstaða endurskoðaðrar fjárhagsáætlunar 6,6 millj. kr hagstæðari en upphafleg fjárhagsáætlun gerði ráð fyrir.“
Forseti bar upp fjárhagsáætlunina sem samþykkt var með fjórum atkvæðum. Fulltrúar Sjálfstæðisflokks, Samfylkingar og Frjálslyndra sátu hjá.
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
