Rúður brotnuðu í óveðri næturinnar
Það var ansi hvasst á norðanverðu landinu síðasta sólarhring er suðvestanstormur og rok gekk yfir landið. Svo hvasst var í Fljótum að húsráðendur á Reykjarhóli yfirgáfu heimili sitt og á Reykjaströnd brotnuðu rúður og hlutir fuku.
Við sögðum frá því í gær að hviður hefðu komist í 48 m/s þá um morguninn á sjálfvirkri veðurstöð Vegagerðarinnar við Stafá á mótum Sléttuhlíðar og Fljóta. En um miðjan dag fauk það met er hviður komust í yfir 50 m/s. Að sögn Sjafnar Guðmundsdóttur, ábúenda á Reykjarhóli og rekstraraðila Guesthouse Gimbur, ákváðu þau hjón að flytja sig úr íbúðarhúsinu og í gistihúsið meðan mesti djöfulgangurinn reið yfir. Íbúðarhúsið er timburhús og lék allt á reiðiskjálfi og til marks um lætin þótti ekki annað fært en að tína myndir af veggjum heimilisins.
Á Reykjaströnd, undir Tindastól, gerði einnig mikið hvassviðri og tjónuðust margar rúður í byggingum og bílum. Um miðnættið var snælduvitlaust veður og varð Brynjólfur bóndi á Fagranesi var við að rúður brotnuðu í heimilisbílnum, og líklegt að grjót hafi fokið af bílaplaninu auk þess sem sjö rúður sprungu í minkahúsinu. Barnaróla tókst á loft og þeyttist langar leiðir og jarðföst rennibraut skekktist mikið. Þá segir Brynjólfur að þó nokkuð tjón hafi orðið í skjólbeltaræktuninni þar sem plast ofan af beðunum hvarf út í buskann. Brynjólfur var samt brattur er Feykir hafði samband við hann og sagðist hafa séð það verra.
Skammt fyrir sunnan Fagranes býr Gústav Bentsson á Steini. Hann vaknaði við mikil læti um fimm leytið í morgun er rúða í eldhúsinu hjá honum splundraðist og glerbrot þeyttust út um allt. Telur hann að eitthvað hafi fokið í rúðuna þar sem hún er til þess að gera lítil, um 70x50 sm.
Auk gluggans í eldhúsinu brotnuðu tvær rúður í skemmu skammt frá húsinu. Gústav var líkt og nágranni hans brattur eftir nóttina og sagði að eldhúsið hefði fengið allsherjar hreingerningu í morgun og sem betur fer hefðu kindurnar ekki fokið þar sem mestu verðmætin væri í þeim.
Þrátt fyrir óviðrið síðasta sólarhring hafði lögreglunni ekki borist neinar tilkynningar um tjón í morgun og björgunarsveitir í Skagafirði voru ekki kallaðar út.
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.