Sætur fyrsti sigur Tindastóls í sumar
Lið Tindastóls tók á móti Vestra frá Ísafirði í 2. deildinni í knattspyrnu á vel rökum Sauðárkróksvelli í dag. Ísfirðingar voru fyrir leikinn í öðru sæti deildarinnar en Stólarnir sigurlausir með tvö stig á botninum. Það var ekki að sjá þegar flautað var til leiks og áttu heimamenn í fullu tré við vel skipað lið gestanna og á endanum fór það svo að Tindastólsmenn fögnuðu glaðbeittir fyrsta sigri sínum í sumar. Lokatölur 2-1.
Lið Tindastóls var enn án fyrirliðans, Konna, sem er meiddur og sömuleiðis er Sverrir frá eftir höfuðhöggið mikla sem hann fékk á Selfossi. Vonast er til að Konni komist á ról fyrr en síðar en óvíst er hvort Sverrir nái að komast á völlinn áður en fótboltasumrinu lýkur. Annars var lið Tindastóls skipað líkt og í síðustu leikjum nema búið var að skipta um karlinn í brúnni; Arnar Skúli tekinn við þjálfarastöðunni af Yngva.
Gestirnir virkuðu skeinuhættari framan af leik en Stólarnir voru grimmir í vörninni og gerðu vel í að reyna að halda boltanum þegar færi gafst. Það voru hins vegar gestirnir sem gerðu fyrsta markið á 15. mínútu eftir mistök í vörn Tindastóls. Leikmenn Vestra unnu boltann í vítateig Stólanna, sendu fyrir þar sem Aaron Robert Spear skoraði með hnitmiðuðu skoti. Nú reyndi á heimamenn sem höfðu í leiknum á undan þessum lagt árar í bát eftir að hafa lent undir gegn Kára. Sem betur fer kom jöfnunarmarkið fljótt og það eftir fyrstu góðu sókn Stólanna. Benni tók hornspyrnu frá vinstri, Fannar skallaði boltann og Arnar Ólafs náði að setja boltann í markið og jafna leikinn. Eftir þetta jafnaðist leikurinn og Tindastólsmönnum óx ásmegin en báðum liðum gekk þó illa að skapa sér færi. Staðan í leikhléi 1-1.
Talsvert rigndi í fyrri hálfleik en lygnt var og hlýtt á meðan á leiknum stóð. Heldur sló á rigninguna í síðari hálfleik og í kjölfar þess að Stólarnir náðu forystunni ákvað sólin að kíkja á leikinn. Mark Tindastóls átti Alvaro Cejudo Igualada nánast skuldlaust, sending inn fyrir vörn Vestra virtist hættulítil en Alvaro setti í túrbóið og náði að komast inn fyrir varnarmann gestanna og skoraði af öryggi. Kappanum hefur gengið illa upp við markið í sumar en mikið óskaplega var hann ánægður með lífið á þessum tímapunkti. Í kjölfarið elti hann alla bolta eins og óður maður og samherjar hans fylgdu með. Gestirnir reyndu að jafna leikinn en það verkefni þeirra varð erfiðara þegar Hammed Obafemi Lawai fékk að líta sitt annað gula spjald og varð því að yfirgefa samkvæmið. Þrátt fyrir þetta voru Vestrar meira með boltann en Stólarnir gáfu nánast engin færi á sér og þau sem gáfust buðu ekki upp á mikið. Síðustu mínúturnar voru spilaðar af skynsemi og þrátt fyrir talsverðan barning og örvæntingarfull tilþrif gestanna þá lönduðu Stólarnir sínum fyrsta sigri í sumar og það gegn Bjarna Jóhanns og félögum.
Lið Tindastóls náði öflugum leik í dag, mistökin voru fá og margir leikmenn stigu rækilega upp eftir hörmungarleikinn gegn Kára. Í vörninni voru Fannar og Bjarki virkilega góðri og fyrir framan þá átti Tanner sennilega sinn besta leik í sumar. Þá reyndist Benni gestunum erfiður og þurftu þeir ansi oft að stöðva kappann ólöglega. Annars skiluðu allir leikmenn sínu og nú er það bara þetta gamla góða „áfram gakk“ sem gildir. Staða Tindastóls í 2. deildinni er erfið en orustan er ekki töpuð. Áfram Tindastóll!
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.