Samfylkingin gerir hreint

Í tilefni af 10 ára afmæli Samfylkingarinnar sem er laugardaginn 8. maí munu frambjóðendur S-listans í Húnaþingi vestra standa fyrir hreinsunarátaki með því að tína rusl á Hvammstanga frá klukkan 10 - 12.

Allir eru hjartanlega velkomnir að hjálpa til og er mæting við Félagsheimilið á Hvammstanga klukkan 10 þar sem pokar verða afhentir og svæðum úthlutað.

Að hreinsunarátakinu loknu býður S-listinn öllum íbúum Húnaþings vestra upp á grillaðar pylsur og meðlæti og opnar þar með formlega kosningaskrifstofuna.

Vöfflukaffi er svo milli klukkan 15 og 16.

S-listi Samfylkingarinnar og óháðra hvetur alla til að líta við og ræða málin og skapa skemmtilega stund saman.

Fleiri fréttir