Seiglusigur á Snæfelli í Hólminum og annað sætið gulltryggt
Tindastólsmenn gerðu sér lítið fyrir í kvöld og tryggðu sér annað sætið í Dominos-deildinni með baráttusigri á liði Snæfells í Hólminum. Aldeilis glæsilegur árangur hjá strákunum því enn á eftir að spila tvær umferðir í deildinni.
Stólarnir fóru betur af stað og komust í 8-15 þegar sex mínútur voru liðnar af leiknum. Síðan tóku þeir sér smá pásu og skoruðu ekkert í rúmar sjö mínútur. Á meðan gerðu heimamenn 12 stig en Helgi Margeirs kom Tindastólsrútunni aftur í gang með þristi og staðan 20-18. Flake jafnaði metin 28-28 en lið Snæfells hafði yfirhöndina fram að hléi og leiddi, 36-33, þegar þriðji leikhluti hófst.
Hólmarar voru að berjast fyrir sæti í úrslitakeppninni og voru sprækir framan af síðari hálfleik. Tveir þristar í röð komu þeim í góða stöðu, 57-44 en þá tók Helgi Viggós sig til og skutlaði niður bolta af bannsvæði. Næstu fimm stig gerði síðan Sigurður Páll og munurinn orðinn fimm stig. Lewis og Dempsey gerðu næstu stig Tindastóls og staðan 59-58 fyrir Snæfell þegar fjórði leikhluti hófst og við tók mikil barátta og hnífjafn leikur.
Heimamenn voru yfir 71-68 þegar tæpar fimm mínútur voru til leiksloka. Lewis kom Stólunum yfir, 73-76, en Snæfellingar gáfust ekki upp og komust aftur yfir, 77-76, þegar ein og half mínúta var eftir. Dempsey kom Stólunum yfir og Lewis og Ingvi bættu við sitt hvoru vítaskotinu það sem eftir lifði leiks án þess að heimamenn næðu að svara fyrir sig. Lokatölur 77-80.
Jafnræði var með liðunum í kvöld en nýting heimamanna í 3ja stiga skotum var góð (8/17). Lið Snæfells var hins vegar með 21 tapaðan bolta á móti 11 hjá Stólunum og munar um minna. Dempsey var stigahæstur Tindastólsmanna með 20 stig en Lewis var með 19 stig, 6 fráköst, 5 stolna bolta og fiskaði 8 villur. Þá átti Helgi Viggós fínan leik með 13 stig og 7 fráköst.
Næsti leikur Tindastóls er heima í Síkinu á sunnudaginn en þá mæta bullheitir Haukar sem eru að berjast fyrir þriðja sætinu í deildinni.
Stig Tindastóls: Dempsey 20, Lewis 19, Helgi Viggós 13, Helgi Margeirs 8, Flake 6, Sigurður 5, Svavar 4, Ingvi 3 og Pétur 2.
Fleiri fréttir
-
Minnstu bæjarfélögin hrópa út í tómið | Ólafur Adolfsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.05.2025 kl. 00.45„Hækkunin sem fylgir þessari skattlagningu er of mikil til að þessi minnstu fyrirtæki geti rekið sig réttum megin við núllið. Það er mat Óðins að þessi fyrirtæki, sem hafa fjölda manns í vinnu, fari að hverfa eitt af öðru um mitt næsta ár. Ríkisstjórnin reyndi í uppfærslu á frumvarpinu að koma til móts við minni útgerðir en samt sem áður er staðan svona. Þetta sýnir bara hversu hroðvirknislega þetta var unnið frá upphafi,“ segir Ólafur Adolfsson í aðsendri grein.Meira -
Iðnmenntun í uppnámi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.05.2025 kl. 15.26Morgunblaðið birti þann 29.5 umfjöllun um húsnæðismál verknámsdeildar FNV. Undir fyrirsögninni: Verknámshúsið löngu sprungið. Þar er vitnað til skólaslitaræðu fráfarandi skólameistara, Ingileifar Oddsdóttur:Meira -
Húnabyggð ein fjögurra sem hlaut styrk
feykir.is Austur-Húnavatnssýsla 30.05.2025 kl. 13.40Á vef Innviðaráðuneytisins kemur fram að styrkbeiðni Húnabyggðar um styrk til að þróa og efla almenningssamgöngur innan sveitarfélagsins með áherslu á samgöngur fyrir börn og ungmenni hafi verið ein fjögurra sem hlutu styrk Innviðaráðuneytisins vegna aðgerðar A.10 á byggðaáætlun, Almenningssamgöngur milli byggða.Meira -
Gleðilega hátíð sjómenn
feykir.is Skagafjörður, Austur-Húnavatnssýsla, Lokað efni 30.05.2025 kl. 10.05Sjómannadagurinn verður haldinn hátíðlegur um komandi helgi og hófust hátíðarhöld á Skagaströnd með golfmóti á Skagastörnd í gær fimmtudag. Íbúar Skagastrandar hafa einnig verið hvattir til þess að skreyta húsin sín og verða vegleg verðlaun fyrir best skreytta húsið. Frábær dagskrá verður síðan alla helgina en hátíðin heitir því fallega og viðeigandi nafni Hetjur hafsins. Meðal þess sem í boði verður eru, BMX brós, VÆB bræður, vatnsfótbolti, skrúðganga, skemmtun á bryggjunni, tónlistarbingó og dansleikur með hljómsveitunum Skandal og Steinliggur svo það er óhætt að segja að það verður margra daga sjómannadagsstuð á Skagaströnd alla helgina.Meira -
Myndasyrpa frá brautskráningu FNV
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf, Lokað efni 29.05.2025 kl. 20.44Það var hinn merkilegasti brautskrárningardagur við Fjölbrautaskola Norðurlands vestra í gær eins og sagt var frá hér á Feykir.is í dag. Að venju var viðburðurinn myndaður í bak og fyrir, þrír ljósmyndarar mættir á svæðið og um 1800 myndir sem þarf að rúlla í gegnum. Hér má finna smá bragð af deginum í snefilmagni.Meira
