Setningarávarp á Sæluviku 2019
Kæru Skagfirðingar og aðrir gestir.
Sæluviku Skagafirðinga má líkja við heiðlóuna. Enda er hún er sannkallaður vorboði heimamanna, síðasti vetrardagur er að baki og í kjölfar hans kemur Sæluvika sem skartar fjölbreyttri menningardagskrá víðsvegar um fjörðinn. Sæluvika er lista- og menningarhátíð sem stendur yfir í heila viku og bera heimamenn á borð fyrir gesti og gangandi myndlist, leiklist, tónlist og aðrar menningarlegar kræsingar.
Eins og flest ykkar þekkið er Sæluvika Skagfirðinga ein elsta menningarhátíð landsins og nær saga hennar allt aftur til ársins 1874 þegar svonefndar sýslunefndarvikur hófu göngu sína og hefur Sæluvika þróast út frá því en frá árinu 1995 hefur hátíðin verið fastur liður í samfélagi Skagafjarðar og hefst í lok apríl ár hvert.
Ég ætla ekki að rekja forsögu Sæluviku fyrir ykkur neitt frekar heldur segja ykkur örstutt frá minni upplifun af þessari hátíð sem nýlegum íbúa þessa samfélags en ég flutti norður jólin 2016. Þrátt fyrir að hafa ekki upplifað Sæluviku fyrir þann tíma hafði ég heyrt af þessari margfrægu hátíð Skagfirðinga. Ég er nefnilega ættuð úr Skagafirði og minnist þess að hafa heimsótt fjörðinn góða og heyrt sögur af því hversu mikil hátíð Sæluvika var, hlaðin dans- og söngvaskemmtunum, og að hér áður fyrr hafi verið ball nánast á hverju kvöldi þá vikuna.
Árið 2017, þegar ég svo fyrst kynntist Sæluviku, minnist ég þess að hafa skoðað dagskrána og kom mér á óvart allur sá fjöldi viðburða sem hægt var að sækja á svo stuttum tíma – þvílík dagskrá. Ég ætlaði nú ekki að missa af þessu og sótti nokkra þeirra sjálf, s.s. leiksýninguna ,,Beint í æð“ og kíkti á sýningu í gamla bænum í Glaumbæ.
Sem barn hafði ég margoft heyrt frá afa mínum, sem var fæddur og uppalinn í Skagafirði, að Skagfirðingar væru afskaplega söngelskt fólk, sem var nú alveg hárrétt hjá honum, enda eru þeir nú ekki eingöngu söngelskir heldur einnig miklir listamenn á ýmsum sviðum. Þetta má glöggt sjá í glæsilegri og metnaðarfullri dagskrá sem liggur nú fyrir á Sæluviku 2019 en meðal þeirra viðburða sem boðið verður upp á eru leiksýningar, myndlistasýningar, dansviðburðir og tónleikar - sem munu að sjálfsögðu skipa stórann sess í dagskránni meðal söngelskra Skagafirðinga.
Mikilvægt er að benda á það gildi sem Sæluvika stendur enn fyrir í menningarlífi Skagafjarðar. Í samfélaginu okkar býr hæfileikaríkt fólk sem hefur lagt sitt af mörkum til þess að gera þessa hátíð að veruleika og nú fer fram uppskeruhátíð þessara listamanna með brot af því besta eftir verkefni vetrarins. Er því mikilvægt að heimamenn sæki þennan viðburð til þess að tryggja að Sæluvika verði áframhaldandi liður í okkar samfélagi. Nú er um að mæta á alla þá viðburði sem framundan eru og njóta þessarar frábæru lista- og menningarhátíðar - en með því sýnum við þakklæti okkar, höldum í hefðina og tryggjum áframhaldandi farsæld Sæluviku.
Kæru Skagafirðingar og aðrir gestir, Sæluvika Skagfirðinga 2019 er hér með sett og óska ég ykkur ánægjulegrar skemmtunar.
Sigríður Regína Valdemarsdóttir
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.