Skál dalsins
Feykir rakst á forvitnilega færslu á Fésbókinni þar sem sagt er frá Skagfirðingi sem kom inn í verslun til að kaupa sér jakka. Það í sjálfu sér er ekki í frásögur færandi nema að þegar hann var búinn að ljúka kaupunum kvaddi hann með orðunum „Skál dalsins!“. Var sagt að það væri frasi úr Austurdal í Skagafirði, þaðan sem maðurinn er.
Margir hafa velt fyrir sér um hvern var að ræða en við eftirgrennslan um þann ágæta mann kom í ljós að þarna var á ferðinni Skúli Steinþórsson fv. flugmaður ættaður úr Skagafirði, (Víðivöllum, Skatastöðum og Steinsstöðum), en aldrei búið í Skagafirði. Til gamans má nefna að hann er faðir þeirra Ólafar Rúnar fréttaþulu, Steinþórs Skúlasonar forstjóra Sláturfélags Suðurlands og Brynju Sifjar rithöfundar en hún hefur skrifað bækurnar um ævintýri unglingsstúlkunnar Nikký
Færslan frá 66N er eftirfarandi:
„Þetta er hann Skúli frá Skagafirði. Hann heimsótti okkur áðan eftir að hann frétti að Kríu jakkinn væri kominn aftur. Skúli er klæddur í Kríu jakka sem hann keypti fyrir um 25 árum í verslun okkar sem þá var á Skúlagötu. Þetta er því líklegast með fyrstu Kríu jökkunum sem voru gerðir en við byrjuðum að framleiða þá um 1991. Honum fannst þetta tilvalið tækifæri til að uppfæra í nýja jakkann. Að sjálfsögðu mjög ánægður og kvaddi okkur með orðunum „Skál dalsins!“ sem er frasi úr Austurdal í Skagafirði, þaðan sem hann er.“
Fleiri fréttir
-
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira -
Ungmennafélagar vilja koma upp strandblakvelli á Skagaströnd
feykir.is Austur-Húnavatnssýsla, Íþróttir, Mannlíf, Lokað efni 24.06.2025 kl. 11.21Ungmennafélagið Fram á Skagaströnd sendi sveitarstjórn Skagastrandar erindi þar sem óskað er eftir leyfi til þess að koma upp strandblakvelli á lóð sveitarfélagsins. Í frétt á Húnahorninu segir að í erindinu komi fram að tilgangur verkefnisins sé að bæta aðstöðu til útivistar og hreyfingar fyrir almenning á Skagaströnd.Meira -
Fótbolti.net bikarinn fer af stað á Króknum í kvöld
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 10.17Það er fótbolti á Króknum í dag en fyrsti leikurinn í Fótbolti.net bikarnum fer í gang kl. 18 í kvöld þegar Árborg kemur í heimsókn á Sauðárkróksvöll. Lið Kormáks/Hvatar verður einnig í eldlínunni í þessari bikarkeppni neðri deildar liða en Húnvetningar heimsækja Grenivík annað kvöld.Meira -
Silver Wind mætt til Hofsóss
feykir.is Skagafjörður, Mannlíf, Lokað efni 24.06.2025 kl. 09.19Þeir sem eru að rumska á Hofsósi nú um níuleytið og kíkja út á sjóinn ættu að geta barið augum skemmtiferðaskipið Silver Wind sem lagðist við akkeri fyrir utan Hofsós kl. 8 í morgun. Í frétt á Facebook-síðu Skagafjarðarhafna segir að skipið muni heimsækja Hofsós fimm sinnum í sumar.Meira -
Myndlistin blómstrar á Höfðaströndinni
feykir.is Skagafjörður, Listir og menning, Mannlíf, Lokað efni 23.06.2025 kl. 15.40Hesturinn, stelpan og hálendið. Svo nefnist myndlistarsýning sem núna er í gangi á Listamiðstöðinni í Bæ á Höfðaströnd.Listakonan Michelle Bird, sem kemur upphaflega frá Bandaríkjunum, sýnir þar verk sín.Meira
