Skallagrímur lítil fyrirstaða á leið Stólanna í undanúrslit
Tindastóll tók á móti liði Skallagríms í 8 liða úrslitum í Powerade bikarkeppni KKÍ í gærkvöldi. Fæstir áttu von á að 1. deildar lið Borgnesinga næði að flækjast fyrir Stólunum og kom það líka á daginn; það var allan tímann ljóst að heimamenn voru miklu sterkari þó svo að þeir hafi varla farið úr öðrum gírnum. Lokatölur 72-48 fyrir Tindastól.
Halldór Gunnar Jónsson setti niður 3ja stiga körfu í upphafi leiks en hann hafði verið í miklum ham og gert 35 stig í leik með Skallagrími daginn áður í 1. deildinni. Ekki gerði hann mikið fleiri rósir í leiknum í gær því varnarleikur Stólanna var til mikillar fyrirmyndar og gestirnir settu aðeins þrjú 3ja stiga skot niður í 25 tilraunum. Jafnræði var með liðunum í fyrsta leikhluta en heimamenn þó yfir 15-13 að honum loknum. Stólarnir hófu annan leikhluta af miklum krafti og gerðu fyrstu 10 stigin og því komnir með örugga forystu sem gestirnir náðu aldrei að koma undir 10 stigin. Borce, þjálfari Tindastóls, rúllaði liðinu vel og allir 12 leikmenn Tindastóls fengu að spreyta sig í leiknum og voru útlendingarnir í liðinu til að mynda notaðir sparlega. Stólarnir sigruðu annan leikhluta 25-10 og höfðu því 17 stiga forystu í hálfleik, 40-23.
Síðari hálfleikur var í raun hálfgert formsatriði. Gestirnir voru þreytulegir, skotnýting þeirra afleit og Stólarnir spiluðu nánast með einari. Sóknarleikur Stólanna var reyndar ekki til að hrópa húrra fyrir. Þriðja leikhluta sigruðu heimamenn 13-10 og svona alveg á mörkunum að áhorfendur héldust vakandi. Örlítið léttari bragur var á leikmönnum í fjórða leikhluta en þegar upp var staðið endaði leikurinn 72-48 fyrir Stólana og sæti í undanúrslitum gulltryggt en þar eru, auk Stólanna, KR og Haukar og í kvöld eigast við lið Grindvíkinga og Laugdæla.
Stigahæstur í liði Tindastóls var Hayward Fain sem gerði 15 stig á tæpum 17 mínútum, Helgi Rafn hirti 18 fráköst og setti niður 5 stig en tróð aldrei og þá gerði Svabbi 14 stig og tók 11 fráköst. Darrel Flake var bestur í liði gestanna en kappinn gerði 17 stig, tók 11 fráköst og átti þrjár stoðsendingar. Aðrir leikmenn gestanna voru ekki til stórræðanna í gærkvöldi.
Stig Tindastóls: Fain 15, Svavar 14, Kitanovic 14, Rikki 9, Cunningham 9, Helgi Rafn 5, Helgi Freyr 4 og Halldór 2.
Fleiri fréttir
-
Austfirðingar fengu á baukinn á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 20.07.2025 kl. 11.58Lið Kormáks/Hvatar fékk Austfirðinga í heimsókn á Blönduós í gærdag. Húnvetningar áttu harma að hefna eftir að lið KFA fór vægast sagt illa með gesti sína í fyrstu umferð 2. deildar og vann leikinn 8-1. Leikurinn í gær var um margt líkur fyrri leiknum nema nú voru liðsmenn KFA sem fóru hnípnir heim með skottið á milli lappanna eftir 5-1 tap.Meira -
Húnvetningar dansa á Spáni
feykir.is Austur-Húnavatnssýsla, Íþróttir, Vestur-Húnavatnssýsla, Listir og menning, Lokað efni 20.07.2025 kl. 10.30Eins og Feykir hefur sagt frá áður þá fór góður hópur af húnvetnskum krökkum til Spánar að keppa í dansi og eru þau nýkomin heim úr þeirri ferð. Feykir hafði samband við eina úr hópnum, Íseyju Waage sem á heima í Skálholtsvík við Hvammstanga og spurði hana út í þetta ævintýri.Meira -
Sigurdís Sandra bæði á Hólum og Heimilisiðnaðarsafninu
feykir.is Skagafjörður, Austur-Húnavatnssýsla, Listir og menning, Lokað efni 19.07.2025 kl. 23.48Sigurdís Sandra Tryggvadóttir tónskáld, píanóleikari og söngkona verður með tvenna tónleika á Norðurlandi vestra á morgun, sunnudaginn 20. júlí. Hún hefur leik í Hóladómkirkju kl. 11:00 og drífur sig svo vestur á Blönduós þar sem hún spilar á sumartónleikum Heimiisiðnaðarsafnsins kl. 15:00 og slær þannig lokahöggið á Húnavöku.Meira -
Félagar í Drangey vilja bráðabirgðalög vegna strandveiða
feykir.is Skagafjörður 19.07.2025 kl. 23.00Félagsfundur Drangeyjar – smábátafélags Skagafjarðar haldinn 18. júlí 2025 mótmælir harðlega stöðvun strandveiða 16. júlí sl. Í tilkynningu frá félaginu segir að þetta sé sjötta árið í röð sem ekki er leyft að veiða út ágúst eins og lög frá 2018 gera ráð fyrir.Meira -
Stólarnir máttu þola tap í Kórnum
feykir.is Skagafjörður, Íþróttir, Lokað efni 19.07.2025 kl. 22.45Tindastóll og Ýmir mættust í Kórnum í Kópavogi í dag í 3. deildinni. Lið Tindastóls var í sjötta sæti með 17 stig en heimamenn voru næstneðstir með 11 stig. Nokkuð vantaði í leikmannahóp Stólanna sem voru aðeins með 14 menn á skýrslu en tveir lykilmenn eru staddir í Ameríkuhreppi með unga knattgæðinga af Norðurlandi vestra. Það for svo að heimamenn unnu leikinn 2-1.Meira
