Smáhýsum komið fyrir í Kirkjuhvammi
Hafist var handa við að koma fyrir smáhýsum í Kirkjuhvammi á Hvammstanga sl. föstudag en eigandi þeirra er Reykjarhöfði ehf. og verða þau níu talsins. Eigendur Reykjarhöfða ehf. eru Kaupfélag Vestur Húnvetninga, Sláturhús KVH, Tveir smiðir ehf. og Vignir Skúlason.
Vignir Skúlason sagði í samtali við Norðanátt.is að smáhýsin séu ákveðin svörun við aukinni ferðaþjónustu á svæðinu og er þetta hugsað til að vera í samvinnu við aðra ferðaþjónustuaðila og gistimöguleika á svæðinu en ekki samkeppni. Þá er ráð fyrir að smáhýsin verði fyrir starfsmenn SKVH í tvo mánuði á ári, yfir sláturstíð.
Vel er lagt í smáhýsin og segir Vignir þau standast allar kröfur fyrir heilsársnotkun. „Þau eru 21 m2 að stærð og er svefnpláss fyrir allt að fjórar persónur þar sem í hýsunum eru 125cm breið neðri koja, 80cm efri koja og svefnsófi. Smáhýsin eru öll með salerni og sturtu, eldunaraðstöðu, borðbúnaði, ísskáp, sjónvarpi með innbygðum DVD-spilara, borðstofuborði, stólum o.fl. sem eykur á þægindin,“ segir um smáhýsin á Norðanátt.
Rekstur smáhýsanna hefst formlega þann 20. júlí nk. og að sögn Vignis er fyrsta helgin fullbókuð. Rekstraraðilar smáhýsanna eru Erla Björg Kristinsdóttir og Sveinn Ingi Bragason, en þau reka einnig tjaldsvæðið í Kirkjuhvammi. Þau annast öll samskipti við samstarfsaðila, bókanir og alla almenna afgreiðslu á útleigu húsanna. Hægt er að setja sig í samband við þau í símanúmerið 899-0008 og á netfangið hvammur.camping@gmail.com.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
